قازاقستان رەسپۋبليكاسى ۇكىمەتىنىڭ قاۋلىسى № 92 

2015 جىلعى 26 اقپان, استانا, ۇكىمەت ءۇيى «جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 29 قاراشاداعى № 1271 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 29 قاراشاداعى № 1271 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 67, 903-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارىندا: 15 جانە 16-تارماقتار مىناداي رەداكتسيادا جازىلسىن: «15. بالالاردىڭ تۇرعىن ءۇيىن جالعا (جالداۋعا) بەرۋگە ورگانداردىڭ كەلىسىم بەرۋى قۇجاتتار كەلىپ تۇسكەن ساتتەن باستاپ بەس جۇمىس كۇنى ىشىندە جۇزەگە اسىرىلادى. 16. زاڭدى وكىلدەر تۇرعىن ءۇيدى جالعا الۋ (جالداۋ) شارتى بويىنشا الىنعان اقشانى بالالاردىڭ بانكتىك شوتىنا اۋدارۋعا ءتيىس.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.