قىتايدا سوتتالعان قازاقستان ازاماتتارى ەلگە جەتكىزىلدى

استانا. 28 تامىز. شەتەلدەگى قازاقستان ازاماتتارىنىڭ قۇقىقتارىن قورعاۋ ماقساتىندا باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى سىرتقى ىستەر مينيسترلىگىنىڭ قولداۋىمەن ەسىرتكى جانە سيرەك كەزدەسەتىن جانۋارلار كونترابانداسى ءۇشىن قىتايدا ءارتۇرلى مەرزىمدەرگە سوتتالعان بەس وتانداسىمىزدى ەلىگە جەتكىزدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى. قىتاي تاراپىنىڭ قۇزىرلى ورگانى سوتتالعانداردى قازاقستانعا بەرۋ تۋرالى شەشىمدى 2011 جىلعى 22 اقپاندا (2013 جىلدىڭ 20 قاراشاسىندا قازاقستان, ال 2015 جىلدىڭ 1 شىلدەسىندە قحر زاڭىمەن راتيفيكاتسيالانعان) قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى شارتتى ىسكە اسىرۋ ماقساتىندا جانە سوتتالعانداردىڭ وتىنىشتەرى نەگىزىندە قابىلداعان. وسى ازاماتتارعا قاتىستى قىتاي سوتىنىڭ ۇكىمىن تانۋ جانە ورىنداۋ تۋرالى كەپىل رەتىندە سول ەلدىڭ قۇزىرلى ورگاندارىنا قازاقستاندىق سوتتاردىڭ ءتيىستى قاۋلىلارى جولداندى. بەرىلگەن ادامدار جازالارىنىڭ قالعان مەرزىمدەرىن ۇلتتىق زاڭنامامىزعا سايكەس قازاقستاننىڭ تۇزەۋ مەكەمەلەرىندە وتەيتىن بولادى. ايدار ورىسباەۆ. دەرەك: باس پروكۋراتۋرانىڭ ءباسپاسوز قىزمەتى. سۋرەت: aksay.kz.