ستەپنوگورلىق جاس توكار جەڭىسپەن ورالدى

ستەپنوگورسك. 28 تامىز. ستەپنوگورسك قالاسىنداعى №2 يندۋستيالدىق-تەحنيكالىق كوللەدجىنىڭ تۇلەگى ادىلەت تەكەجانوۆ برازيليانىڭ سان-پاۋلۋ قالاسىندا وتكەن 43-ءشى «WorldSkills Competition» حالىقارالىق كاسىبي شەبەرلىك بايقاۋىنىڭ جەڭىمپازى اتاندى. بۇل تۋرالى egemen.kz ءتىلشىسى حابارلادى. قازاقستان ۇلتتىق قۇراماسىنىنداعى ول «توكارلىق ءىس» اتاۋىندا الدىنا جان سالمادى. بۇل ايتۋلى جارىسقا 70 ەلدىڭ جۇمىسشى ماماندىعىن يگەرگەن تاڭداۋلى جاستارى قاتىستى. قازاقستان كومانداسى مۇنداي جارىسقا تۇڭعىش رەت جولداما العان ەدى. حالىقارالىق بايقاۋعا ەلىمىزدىڭ 15 وبلىسىنان, استانا جانە الماتى قالالارىنان الدىنالا ىرىكتەۋ جارىستارى وتكىزىلگەن بولاتىن. مۇندا ۇمىتكەرلەر كىرپىش قالاۋ, ارلەندىرۋ, تەمىر جونۋ, دانەكەرلەۋ, مەيرامحانا قىزمەتى, شاشتارازدىق ونەر, تاعى باسقا ماماندىقتار بويىنشا سىنعا ءتۇستى. وبلىس اكىمى سەرگەي كۋلاگين ءوز ءىسىنىڭ شەبەرى اتانعان ادىلەتتى جوعارى تابىسىمەن قۇتتىقتاپ, باعالى سىيلىق تاپسىردى. -الىستاعى برازيلياداعى كونكۋرستا ءوز ەلىڭدى ءسۇيۋدىڭ, ونىڭ ابىرويىن الەمدىك دەڭگەيدە قورعاۋدىڭ نە ەكەنىن مىقتاپ سەزىندىم,-دەدى ءا.تەكەجانوۆ جاۋاپ سوزىندە. باقبەرگەن امالبەك. دەرەك, سۋرەت: egemen.kz