ەنەرگەتيكالىق ىنتىماقتاستىق ەكى ەل ءۇشىن دە ءتيىمدى

قازاقستان رەسپۋبليكاسىنىڭ تايلاند كورولدىگىندەگى ەلشىسى مارات ەسەنباەۆ تايلاند ەنەرگەتيكا ءمينيسترى نارونگچاي اكراسانيمەن كەزدەسىپ, ەنەرگەتيكا جانە «جاسىل» ەكونوميكا سالاسىنداعى قازاق-تاي ىنتىماقتاستىعىنىڭ اعىمداعى جاعدايى مەن بولاشاعىن تالقىلادى. م.ەسەنباەۆ تاي ەنەرگەتيكا ۆە­دومستۆو­سىنىڭ باسشىسىن قا­زاق­ستاننىڭ قازىرگى الەۋمەت­تىك-ەكونوميكالىق دامۋى, مۇ­ناي-گاز سالاسىنداعى, اتوم جانە كومىر ونەركاسىبىندەگى جاع­دايى, قازاقستاننىڭ «جاسىل» ەكونو­ميكاعا كوشۋ جونىندەگى تۇجىرىم­داماسى, ەكسپو-2017 حالىقارالىق كورمەسى تۋرالى حاباردار ەتىپ, ەلباسىنىڭ قازاقستان حالقىنا «نۇر­لى جول – بولاشاققا باستار جول» جولداۋىنىڭ نەگىزگى قاعي­دا­لارىمەن تانىستىردى. ن.اكراساني تايلاند ۇكىمەتى قا­زاقستانمەن ەكىجاقتى قارىم-قاتىناستى جوعارى باعالايتىنىن اتاپ ءوتتى. «رتت» تاي ەنەرگەتيكا الىبىنىڭ «تەڭىز» كەن ورنىنان مۇناي الۋ تاجىريبەسى بار. قازىرگى تاڭدا «قاشاعاندا» 100-گە جۋىق تايلىق دانەكەرلەۋشى جانە قۇبىر مەن كابەل تارتاتىن ماماندار جۇمىس ىستەيدى. تاي ءمينيسترى, سونىمەن قاتار, سەرىكتەستىكتىڭ جەكە باعىتتارى بويىنشا قولداعى مول الەۋەت, وكىنىشكە قاراي, قازىر تولىعىمەن قولدانىلمايدى دەپ مويىندادى. دەگەنمەن, تايلاندتىڭ مۇناي ىزدەۋ مەن شىعارۋ جونىندەگى «PTT Exploration and Production» كومپانياسى قازاقستاننىڭ مۇناي-گاز كەن ورىندارىن زەرتتەۋگە مۇددەلى. ن.اكراساني تايلاندتىڭ ەكس­پو-2017 حا­لىقارالىق كورمە­سىنە قاتى­­سۋىنا جانە ەلىنىڭ بالامالى ەنەرگيا كوز­دەرى سالاسىنداعى جەتىستىكتەرىن كورسە­تۋگە دايارلىعىن اتاپ ءوتتى. تايلاندتاعى جاڭارتىلعان جانە بالامالى ەنەرگيا كوزدەرى جالپى تۇتىنۋدىڭ 6%-ىن قۇرايدى. جەك دامۋىنىڭ نەگىزگى باعىتى – بيوماسسا. كەزدەسۋ قورىتىندىسى بويىنشا تاراپتار تايلاند پەن قازاقستان اراسىنداعى ەنەرگەتيكالىق ىقپال­داستىقتى كەڭەيتۋ تۋرالى ۋاع­دا­لاس­تىققا قول جەتكىزىپ, ەكى ەل ەنەر­گەتيكا مينيسترلىكتەرى اراسىن­داعى ءوزارا تۇسىنىستىك تۋرالى مەموراندۋمعا قول قويۋ قاجەت­تىگىن اتاپ ءوتتى. سونىمەن قاتار, ن.اكراساني قازاقستاننىڭ ەنەرگە­تيكا ءمينيسترى ۆ. شكولنيكتىڭ تايلاندقا ساپارىن ۇيىمداستىرۋدى جانە ەنەرگەتيكا مەن «جاسىل» ەكونوميكا سالاسىنداعى ەكىجاقتى ىنتىماقتاستىقتىڭ تاجىريبەلىك قادامىن تالقىلاۋدى ۇسىندى. «ەگەمەن-اقپارات».