استانا. بوكستان قازاقستان ۇلتتىق قۇراما كومانداسى تايلاندتىڭ بانگكوك قالاسىندا ءوتىپ جاتقان ازيا چەمپيوناتىنا قاتىسىپ جاتىر. بۇل تۋرالى egemen.kz ءتىلشىسى حابارلادى.
جارىستىڭ ەكىنشى كۇنى 49 كيلو سالماققا دەيىنگى دارەجەدە تەمىرتاس ءجۇسىپوۆ پەن 60 كيلو سالماقتاعى زاكير سافيۋللين 1/8 فينالعا شىقتى. تەمىرتاس شري-لانكالىق تحيۆانكا پاللەحانى جەڭسە, زاكير قىتايلىق جۋن شەندى ۇتتى. سويتىپ, قازاقستان قۇراماسىنان 1/8 فينالدا ونەر كورسەتەتىن بوكسشىلار سانى توعىزعا جەتتى.
باسقا جەتى بىلعارى قولعاپ شەبەرىمىز بىردەن كەلەسى اينالىمعا ءوتتى. ولار – قايرات ەراليەۆ (56 كگ), سامات باشەنوۆ (64 كگ), دانيار ەلەۋسىنوۆ (69 كگ), جانىبەك ءالىمحان ۇلى (75 كگ), ادىلبەك نيازىمبەتوۆ (81 كگ), ۆاسيلي لەۆيت (91 كگ) پەن يۆان دىچكو ( 91 كگ-دەن جوعارى).
قازاقستان قۇراماسىنىڭ تاعى ءبىر بوكسشىسى ولجاس ساتتىباەۆ (52 كگ) 1/8 فينالعا شىعۋ الاڭ يەسى تانەس ونگدجۋنتامەن قولعاپ تۇيىستىرەدى.
وليمپيادا الدىندا ازيا چەمپيوناتىنىڭ بوكسشىلارىمىز ءۇشىن ماڭىزى زور. ويتكەنى, وسى سىندا كورسەتكەن ناتيجەسى, رەيتينگى وليمپيا ويىندارىنا جولداما بەرەتىن الەم چەمپيوناتىندا ماڭىزدى ءرول اتقاراتىن بولادى.
داستان كەنجالين.
دەرەك, سۋرەت: قازاقستان بوكس فەدەراتسياسى.
