مادەنيەت جانە سپورت ءمينيسترى بالۋاندارمەن كەزدەستى

استانا. 28 تامىز. استانادا مادەنيەت جانە سپورت ءمينيسترى ارىستانبەك مۇحامەدي ۇلى دزيۋدودان قازاقستان ۇلتتىق قۇراما كومانداسىنىڭ سپورتشىلارىمەن كەزدەستى. بۇل تۋرالى egemen.kz ءتىلشىسى حابارلادى. كەزدەسۋدە مينيستر دزيۋدودان ءوتىپ جاتقان الەم چەمپيوناتىنىڭ العاشقى كۇنى ەل قورجىنىنا التىن مەدال سالعان ەلدوس سمەتوۆ پەن كۇمىس جۇلدەگەر رۋستام يبراەۆقا العىسىن ءبىلدىردى. سونداي-اق, ول تاتامي تورىنە شىعاتىن باسقا سپورتشىلارعا ساتتىلىك تىلەدى. ۆەدومستۆو باسشىسى الەم چەمپيوناتى سياقتى جارىستار ءبىرىنشى كەزەكتە ەلباسى نۇرسۇلتان نازارباەۆتىڭ تىكەلەي قامقورلىعىنىڭ ارقاسىندا جاسالىپ جاتقان شارا ەكەنىن اتاپ ءوتتى. وسى تۇرعىدان العاندا جاستار, سونىڭ ىشىندە سپورتشى جاستاردىڭ مەملەكەت باسشىسىنىڭ يگى باستامالارىن قولداپ جۇرگەندەرى قۋانتارلىق جاعداي ەكەنىن ايتىپ, العىسىن ءبىلدىردى. كەزدەسۋدە سپورتشىلار دا ەلباسىنىڭ ۇلكەن قامقورلىعىنا العىس سەزىمدەرىن جەتكىزدى. داستان كەنجالين. دەرەك: قازاقستان رەسپۋبليكاسى مادەنيەت جانە سپورت مينيسترلىگى. سۋرەت: egemen.kz