كوكشەتاۋ  كوركەيىپ  كەلەدى

وبلىس ورتالىعىندا قۇرىلىس يندۋسترياسى ەكپىن الا تۇسۋدە. ونى 2014 جىلى 105,9 مىڭ شارشى مەتر تۇرعىن ءۇيدىڭ پايدالانۋعا بەرىلۋىنەن اڭعارۋعا بولادى. بۇل بۇرناعى جىلمەن سالىستىرعاندا 103 پايىزدىق كورسەتكىشكە تەڭ. سونداي-اق, قۇرىلىس جۇمىستارىنىڭ كولەمى 13,1 ميلليون تەڭگەنى قۇراپ, 109 پايىزدىق دەڭگەيگە كوتەرىلدى. نەگىزگى كاپيتالعا قۇيىلعا ينۆەستيتسيانىڭ كولەمى 26,5 ملرد. تەڭگەنى قۇرادى. مۇنىڭ ىشىندە رەسپۋبليكالىق جانە جەرگىلىكتى بيۋدجەتتەن بالالار باقشاسى مەن وقۋ ورىندارىنا جاپسارلاس سالىنعان عيماراتتاردىڭ قۇرىلىسىنا 1 ميلليارد 241,5 ميلليون تەڭگە, تۇرعىن ۇيلەردىڭ قۇرىلىسىنا جانە ونى اباتتاندىرۋ, ينجەنەرلىك جەلىمەن قامتاماسىز ەتۋگە 482,1 ميلليون تەڭگە, الەۋمەتتىك سالا نىساندارىنىڭ جوبالىق-سمەتالىق قۇجاتتامالارىن دايىنداۋعا جانە دوستىق ءۇيىنىڭ قۇرىلىسىنا 326,5 ميلليون تەڭگە قارجى ءبولىنىپ, تولىق يگەرىلگەن. بيىلعى مەجە دە بيىك بولعالى تۇر. اتاپ ايتقاندا, كوكشەتاۋ قالاسىندا اۋىسىمىنا 150 ادامدى قابىلداۋ مۇمكىندىگى بار ونكولوگيالىق ديسپانسەر ەمحاناسىن جانە وبلىستىق بالالار اۋرۋحاناسىنىڭ جۇقپالى اۋرۋلار بولىمشەسىنىڭ عيماراتىن سالۋ جوسپارلانۋدا. سونداي-اق, جاڭا نەكە سارايىنىڭ عيماراتى بوي كوتەرىپ, «يۋبيلەينىي» ستاديونى كۇردەلى جوندەۋدەن وتكىزىلەدى, ال «رەۆوليۋتسيا كۇرەسشىلەرى» باعىندا شاڭعى-روللەرلىك كەشەن اشىلادى دەپ كۇتىلۋدە. باقبەرگەن امالبەك,   «ەگەمەن قازاقستان». اقمولا وبلىسى.