ۆەتنام ەلشىسىن قابىلدادى

قازاقستان رەسپۋبليكاسى پارلامەنتى ءماجىلىسىنىڭ توراعاسى قابيبوللا جاقىپوۆ ۆەتنام سوتسياليستىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى  نگۋەن ۆان حوانى قابىلدادى, دەپ حابارلادى ءماجىلىستىڭ ءباسپاسوز قىزمەتى. كەزدەسۋدە تاراپتار قازاق­ستان مەن ۆەت­نام اراسىنداعى ءوزارا ىنتىماقتاستىق ماسە­لەلەرىنە توقتالىپ, اسىرەسە, ەكى ەلدىڭ ساۋدا-ەكونوميكالىق بايلانىستارىن نىعايتۋعا كوڭىل ءبولدى. تاراپتاردىڭ اتاپ وتكەنىندەي, ۆەتنام پرەمەر-ءمينيسترىنىڭ قازاقستانعا ساپارى بارىسىندا  قول قويىلعان ەۋرازيالىق ەكونوميكالىق وداق ەلدەرى مەن ۆەتنام سوتسيا­ليستىك رەسپۋبليكاسى اراسىندا ەركىن ساۋدا ايماعى تۋرالى كەلىسىم ەكىجاقتى ەكونوميكالىق ىقپالداستىقتى ودان ءارى تەرەڭ­دەتۋگە سەرپىن بەرمەك. ق.جاقىپوۆ الەمدىك ەكونو­ميكالىق داعدارىس جاعدايىنا ايرىقشا نازار اۋدارىپ, ونى ەڭسەرۋ جولىندا قولعا الىنىپ جاتقان شارالاردىڭ بارلىعى ەكونوميكانىڭ باسەكەگە قابى­لەتتىلىگىن ارتتىرۋعا باعىت­تالعانىن ايتتى. ءوز كەزەگىندە ەلشى ەكونوميكالىق, ساياسي, پارلامەنتارالىق, دوستىق بايلانىستاردى دامىتۋدىڭ ماڭىزدىلىعىنا توقتالىپ, الداعى ۋاقىتتا ۆەتنام سوتسياليستىك رەسپۋبليكاسى قازاقستان ازاماتتارى ءۇشىن ۆيزاسىز رەجيم ەنگىزۋدى جوسپارلاپ وتىرعانىن اتاپ ءوتتى. سونداي-اق, ق.جاقىپوۆ ءۇس­تى­مىزدەگى جىلعى تامىز ايى­نىڭ سوڭىندا قازاقستان­داعى ميسسياسىنىڭ اياقتالا­تىندىعىنا وراي, ەلشىگە سوڭعى ءۇش جىل ىشىندە قوس مەملەكەتتىڭ قارىم-قاتىناسىن جان-جاقتى دامىتۋعا قوسقان جەكە ۇلەسى ءۇشىن العىسىن جەتكىزدى.