100 ناقتى قادام جانە ءبىز

ەلباسىنىڭ كورەگەندى ساياساتىن تاعى ءبىر قىرىنان ايقىنداعان جوبا – ۇلت جوسپارى, ياعني بەس ينستيتۋتتىق رەفورماسىن جۇزەگە اسىرۋعا باعىتتالعان «100 ناقتى قادام» ەكەنى انىق. ۇلت جوسپارىندا دەنساۋلىق ساقتاۋ سالاسى دا كەڭىنەن ايتىلعان. بۇگىنگى كۇنى اۋىل مەديتسيناسى ءاربىر تۇرعىننىڭ دەنساۋلىق ساقتاۋ مەكەمەلەرىنە قارالۋىن قاداعالايتىن بىرىڭعاي ۇلتتىق جۇيەسىن ەنگىزۋمەن ەرەكشەلەنىپ وتىر. ياعني, اۋىل دارىگەرلەرىنىڭ ءاربىر پاتسيەنتتى قابىلداۋى ءبىر­دەن ەلەكتروندىق بازاعا ەنگى­زىلىپ, اشىق تۇردە كورسەتىلەدى. دەنساۋلىق ساقتاۋدى دامىتۋدىڭ 2011-2015 جىلدارعا ارنالعان «سالاماتتى قازاقستان» مەملە­كەتتىك باعدارلاماسىنىڭ اياسىندا باستاپقى مەديتسينالىق-سانيتارلىق كومەك جۇيەسىن جەتىلدىرۋ مەن ودان ءارى دامىتۋعا باسىمدىلىق بەرىلدى. وسىعان وراي, جۋالى اۋدا­نىنداعى ەمحانالار مەن باسقا دا مەديتسينالىق مەكەمەلەردىڭ بارلىعى كومپيۋتەرمەن قام­تى­لىپ, ينتەرنەت جەلىسىنە قوسىلعان. بۇگىندە ەلەكتروندىق بايلانىس دەنساۋلىق ساقتاۋدىڭ بىرقاتار اقپاراتتىق جۇيەلەرىن پايدالانۋ, ناۋقاستار تۋرالى اقپاراتتاردى الماسۋ بارىسىندا مەنەدجەرلەرگە جەدەل اقپارات الۋعا جانە ءوز ۋاقىتىندا باسقارۋشىلىق شەشىمدەر قابىلداۋعا مۇمكىندىك بەرۋدە. بەكىتىلگەن حالىق تىزىمىنە جۋالى اۋدانى بويىنشا 50 مىڭ ادام تىركەلگەن. سونداي-اق, اۋدانداعى دارىگەرلىك امبۋلاتوريا مەن مەديتسينالىق پۋنكتتەر تەلەفون جەلىسىمەن قامتىلعان. بۇل شالعايداعى مەديتسينالىق پۋنكتتەردىڭ اۋداندىق اۋرۋحانا مەن ەمحانا دارىگەرلەرىمەن حابارلاسىپ, جەدەل شەشىم قابىلداۋعا مۇمكىندىك بەرۋدە. جالپى العاندا, اۋدان بويىنشا ورتالىق اۋرۋحانا, ەمحانا, تۋبەركۋلەزگە قارسى ديسپانسەر, 8 دارىگەرلىك امبۋلاتوريا, 5 فاپ جانە 32 مەديتسينالىق پۋنكت قىزمەت كورسەتۋدە. اۋدان­دىق اۋرۋحانادا تەلەمەديتسينا ورتالىعى جۇمىس ىستەيدى. اۋىر ناۋقاستار تۇسكەن جاعدايدا كە­زەكشى دارىگەرلەر «تەلەمەديتسينا كوپىرىن» پايدالانا وتىرىپ, وبلىس ورتالىعىنداعى دارىگەرلەردەن اقىل-كەڭەس الا الادى. جىلدان-جىلعا اۋداننىڭ دەنساۋلىق ساقتاۋ سالاسىنا بولىنەتىن قارجى كولەمى ارتىپ كەلەدى, 2012 جىلى بولىنگەن قاراجات 754 382 مىڭ تەڭگەنى قۇراسا, وتكەن جىلى ول 931 385 مىڭ تەڭگەنى قۇرادى. بمسك-دى عيماراتپەن جاب­دىق­تاۋ ماسەلەسىنە سوڭعى 4 جىلدا كوپ كوڭىل ءبولىنىپ, جاڭادان 10 مەدپۋنكت پەن 1 دارىگەرلىك امبۋلاتوريا عيماراتى تۇرعىزىلىپ, پايدالانۋعا بەرىلدى. كەڭەستىك كەزەڭنەن قالعان ءارتۇرلى ۆە­دوم­س­­تۆو­­لاردىڭ, اكىمدىكتەردىڭ تەڭ­گە­رىمىندەگى مەديتسينالىق مەكەمەلەر عيماراتى ورتالىق اۋرۋحانانىڭ تەڭگەرىمىنە قايتا الىنىپ, كۇردەلى جوندەۋدەن وتكىزىلدى. ەندى الداعى جىلداردا 3 دارىگەرلىك امبۋلاتوريا مەن 4 فەلدشەرلىك پۋنكت عيماراتىن سالۋ جوسپارلانۋدا. اۋداندىق اۋرۋحانا زاماناۋي اپپاراتتارمەن جابدىقتالعان. مەديتسينالىق قۇرال-جابدىقتارمەن قامتاماسىز ەتۋ كورسەتكىشى 32-دەن 79 پايىزعا جەتتى, 8 دارىگەرلىك امبۋلاتوريا مەديتسينالىق كولىكپەن قامتىلعان. «سالاماتتى قازاقستان» باعدار­لاماسى بويىنشا قۇرامىندا 11 مامان دارىگەرلەردەن قۇرالعان جىلجىمالى مەديتسينالىق كابينەت شالعايدا ورنالاسقان قوشقاراتا, بيلىكول, اقتوبە, كۇرەڭبەل اۋىلى تۇرعىندارىنا مەديتسينالىق كومەك كورسەتۋدە. بۇل دارىگەرلىك بريگادا جىلجىمالى اۆتوفليۋروگرافپەن قامتىلعان. سونداي-اق, تەمىرجول بويىندا ورنالاسقان شاقپاق, سۇرىم, كۇركىرەۋ سۋ رازەزدەرىندەگى تۇرعىندارعا «دەنساۋلىق پويىزى» مەديتسينالىق كومەك كورسەتتى. بىرىڭعاي ۇلتتىق دەنساۋلىق ساقتاۋ جۇيەسىنىڭ ەنگىزىلۋىنە بايلانىستى جوعارى كورسەتكىشتەرگە جەتكەنى ءۇشىن جۋالى اۋداندىق ورتالىق اۋرۋحاناسى قر دەن­ساۋلىق ساقتاۋ مينيسترلىگىنىڭ بۇيرىعىمەن «ەڭ ۇزدىك 50 اۋرۋ­حانانىڭ» قاتارىنا ەنگىزىلدى. شىنى كەرەك, اۋىل مەديتسيناسىنا بىرىڭعاي ۇلتتىق دەنساۋلىق ساقتاۋ جۇيەسىنىڭ ەنگىزىلۋى ۇلكەن سەرپىن بەردى. ەلدىڭ دارىگەرلىك كومەككە جۇگىنۋىنە تولىق ءمۇم­كىندىگى بار, وسىعان وراي ءاربىر پاتسيەنتكە قولجەتىمدى ءارى ساپالى مەديتسينالىق كومەك كورسەتىلۋدە. سەيىتحان جۇماشەۆ, جۋالى اۋداندىق ورتالىق اۋرۋحاناسىنىڭ باس دارىگەرى. جامبىل وبلىسى.