قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسى مەملەكەتتىك ءتىلدى وقىتۋدى جەتىلدىرۋدىڭ جايىنا جەتكىلىكتى كوڭىل بولە باستادى. وسىعان وراي مۇندا مەملەكەتتىك ورگانداردا مەملەكەتتىك ءتىلدى وقىتۋدى جەتىلدىرۋ ماسەلەلەرىن تالقىلاعان رەسپۋبليكالىق عىلىمي-ادىستەمەلىك كەڭەس بولىپ ءوتتى.
اتالعان ءىس-شاراعا پرەزيدەنت اكىمشىلىگىنىڭ, پرەزيدەنتتىڭ ءىس باسقارماسىنىڭ, ەسەپ كوميتەتىنىڭ, تىلدەردى دامىتۋ جانە قوعامدىق-ساياسي جۇمىس كوميتەتىنىڭ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ, ادىلەت, ۇلتتىق ەكونوميكا, دەنساۋلىق ساقتاۋ جانە الەۋمەتتىك دامۋ مينيسترلىكتەرىنىڭ عىلىمي-ادىستەمەلىك كەڭەسىنىڭ مۇشەلەرى مەن مەملەكەتتىك تىلگە قاتىسى بار ماماندارى قاتىستى.
كەڭەس توراعاسى, اكادەميا رەكتورى بولاتبەك ءابدىراسيلوۆ ءوزىنىڭ كىرىسپە سوزىندە تالقىلانىپ وتىرعان ماسەلەنىڭ ماڭىزدىلىعى مەن مەملەكەتتىك قىزمەتشىلەردى وقىتۋدىڭ مازمۇنى مەن تەحنولوگيالارىن ءبىرىزدى باعىتتا جۇرگىزۋدىڭ وزەكتىلىگىن اتاپ ءوتتى.
اكادەميانىڭ اۋدارما جانە مەملەكەتتىك ءتىلدى وقىتۋ ورتالىعىنىڭ جەتەكشىسى, پروفەسسور ن.تولەنبەرگەنوۆا ءوز بايانداماسىندا 2011-2014 جىلدار ارالىعىندا مەملەكەتتىك ورگانداردا قازاق ءتىلىن وقىتقان ءتىل ورتالىقتاردىڭ وقىتۋ ءادىستەمەلەرى ساپاسىنا مونيتورينگ جۇيەسى ارقىلى توقتالىپ, اتالعان باعىتتاعى وزەكتى پروبلەمالاردى اتاپ كورسەتتى. سونىمەن قاتار, اكادەميانىڭ رەسمي ءستيلدى وقىتۋ تاجىريبەسىنە جالپىلاما سيپات بەرە كەلىپ, تيپتىك باعدارلاماعا كىرگەن 6 سەميناردىڭ باعىتى مەن باعدارىنا شولۋ جاساپ ءوتتى. ال اتالمىش سەمينارلار رەسمي قازاق ءتىلى جانە رەسمي ماتىنگە دايىندىق, رەسمي جازىلىم جانە مەملەكەتتىك تىلدە ءىس قاعازدارىن جۇرگىزۋ, قۇجاتتاما جاساۋ, قۇجاتتامانى باسقارۋ جانە مەملەكەتتىك تىلدە ءىس قاعازدارىن جۇرگىزۋ, پەرسونالدى باسقارۋ جانە مەملەكەتتىك تىلدە ءىس قاعازدارىن جۇرگىزۋ, ءسوز مادەنيەتى جانە شەشەندىك ونەر, مەملەكەتتىك قىزمەتشىنىڭ تىلدىك قۇزىرەتتىلىگى تاقىرىپتارىن قامتيدى. بايانداماشى ءوز سوزىندە ءتىلدى ۇيرەتۋ تەحنولوگياسىنا توقتالا وتىرىپ, «رەسمي قازاق ءتىلى» – وفيتسيالنىي كازاحسكي يازىك سەمينارلارىنىڭ تيپتىك باعدارلاماسىن ۇسىندى.
كەڭەس جۇمىسىنا پرەزيدەنت اكىمشىلىگى جالپى ءبولىم رەداكتسيالىق ساراپتاما جانە اكتىلەردى شىعارۋ سەكتورىنىڭ مەڭگەرۋشىسى بەكزادا ساعىن, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى مەملەكەتتىك قىزمەتتى ءوتكەرۋ باسقارماسىنىڭ باس ينسپەكتورى الما قۇلجانبەكوۆا, مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى ءتىل ساياساتىن تالداۋ جانە مونيترينگ باسقارماسىنىڭ باسشىسى تولقىن يساقوۆا, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى اكىمشىلىك جانە قارجى ءبولىمى مەملەكەتتىك ءتىلدى دامىتۋ سەكتورىنىڭ مەڭگەرۋشىسى فاريدا ساقىپوۆا, ادىلەت مينيسترلىگى ىشكى اكىمشىلىك دەپارتامەنتى مەملەكەتتىك ءتىلدى دامىتۋ جانە اۋدارما باسقارماسىنىڭ باسشىسى ا.تولەۋحانوۆا, ۇلتتىق ەكونوميكا مينيسترلىگى مەملەكەتتىك ءتىلدى دامىتۋ جانە رەداكتسيالاۋ باسقارماسىنىڭ باسشىسى گ.قيسىقوۆا بەلسەنە قاتىستى. سويلەۋشىلەر تالقىلانىپ وتىرعان ماسەلەنىڭ وزەكتىلىگى جايلى ايتىپ, تيپتىك باعدارلامانى جوعارى باعالادى, اكادەميانىڭ مەملەكەتتىك قىزمەتشىلەردىڭ تىلدىك بىلىكتىلىگى مەن قۇزىرەتتىلىگىن ءبىرىزدى تيپتىك باعدارلاما ارقىلى كوتەرۋ تۋرالى ۇسىنىسىن قولدايتىندارى جايلى باياندادى.
ءىس-شاراعا ونلاين رەجىمى ارقىلى كەڭەس مۇشەلەرى, اتاپ ايتقاندا, وڭىرلىك قايتا دايارلاۋ مەن بىلىكتىلىكتى ارتتىرۋ ورتالىقتارىنىڭ ديرەكتورلارى: جامبىل وبلىسىنان دۇيسەنبەك ءابدىرايىموۆ, اقمولا وبلىسىنان ءالىبەك بايماعامبەتوۆ جانە اقتوبە وبلىسىنان الەكساندر دۋبوۆەنكو ارالاستى.
كەڭەس مۇشەلەرى مەن قاتىسۋشىلار ەلىمىزدىڭ بارلىق ورتالىعى مەن وڭىرلەرىنىڭ مەملەكەتتىك قىزمەتشىلەرىن وقىتۋ جۇيەسىنە ەنگىزىلەتىن «رەسمي قازاق ءتىلى – وفيتسيالنىي كازاحسكي يازىك» تاقىرىبىنداعى مەملەكەتتىك قىزمەتشىلەردىڭ تىلدىك بىلىكتىلىگىن ارتتىراتىن سەمينارلاردىڭ تيپتىك باعدارلاماسىن بەكىتتى.
سەرىك ءپىرنازار,
«ەگەمەن قازاقستان».
