الاڭداعى ارۋلار

جەڭىستىڭ 70 جىلدىعىنا ارنالعان اسكەري پارادقا 180-نەن استام اسكەري قىزمەتشى قىز-كەلىنشەكتەر قاتىسادى قازاقستان قارۋلى كۇشتەرىنىڭ اسكەري قىزمەتشى قىز-كەلىنشەكتەرى ۇلى وتان سوعىسىنداعى جەڭىستىڭ 70 جىلدىعى قارساڭىندا وتەتىن اسكەري پارادقا ەرەكشە كورىك بەرەدى. جالپى سانى 186 پارادقا قاتىسۋشى قىز-كەلىنشەك ىرىكتەلىپ الىندى. ولاردىڭ ىشىندە 32 اسكەري قىزمەتشى سانيتارلىق نۇسقاۋشى ۇلگىسىندە كيىنىپ, پارادتىڭ ۇوس كەزەڭىندەگى تاريحي ءبولىمىن­دەگى روتا قۇرامىندا بولسا, ال قالعان 154 اسكەري قىزمەتشى پارادتىڭ قازىرگى زامانعى بولىمىندە الاڭدا قازاقستاندىق اسكەري جوعارى وقۋ ورىندارىنىڭ كۋرسانتتارىنان كەيىن جەكە جاياۋ ساپپەن ادىمدايتىن بولادى. اسكەري قىز-كەلىنشەكتەر قازاقستاننىڭ ءتورت وڭىرلىك قولباسشىلىعىنان, قارۋلى كۇشتەردىڭ بارلىق تۇرلەرى مەن اسكەر تەكتەرىنىڭ اسكەري بولىمدەرىنەن, سونداي-اق, قورعانىس مينيسترلىگىنىڭ ورتالىق اپپاراتىنان جينالدى. وسى ۋاقىتقا دەيىن ولار جەكە-جەكە جاتتىقتى. ودان كەيىن جەرگىلىكتى جەرلەردە ساپتىق جارعىعا سايكەس ساپ قۇرامىندا بىرىڭعاي قارقىن مەن ىرعاقتى, ساپ تۇزۋلىگىن ساقتاي وتىرىپ, جيناقى جانە سەرپىندى ادىمداۋعا دايىندالدى. قازىر قىز-كەلىنشەكتەر قۇرامى ءبىر لەكتە بىرلەسكەن جاتتىعۋعا كىرىسۋگە دايىن. «ەگەمەن-اقپارات».