باستى ماقساتتار ورىندالۋدا

ەلوردادا ءوتىپ جاتقان VIII استانا ەكونوميكالىق فورۋمى بارىسىندا ەلىمىزدە بۇۇ تاراپىنان بەلگىلەنگەن مىڭجىلدىق دامۋدىڭ ماقساتتارىن (مدم) ورىنداۋ باعىتىندا كوپتەگەن جۇمىستار اتقارىلىپ, سونىڭ ناتيجەسىندە ناقتى تابىستارعا مەرزىمىنەن بۇرىن قول جەتكىزىلگەنى ايتىلدى. فورۋمدا ءسوز العان دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا قازاقستاندا اتالعان سالادا ىرگەلى جوبالار جۇزەگە اسىرىلىپ, العا قويىلعان مىندەتتەر ءوز دەڭگەيىندە اتقارىلعانىن جانە بۇل باعىتتاعى جۇمىستار ودان ارى جۇيەلى تۇردە جۇرگىزىلە بەرەتىنىن جەتكىزدى. – قازاقستان بىرىككەن ۇلتتار ۇيىمى بەلگىلەگەن مىڭجىلدىق ماقساتتاردىڭ 8 باعىتى بويىنشا اۋقىمدى جۇمىستار اتقارىپ, ناتيجەسىندە تمد ەلىنىڭ اراسىندا كوش باستاپ كەلەدى. ءبىز حالىقارالىق رەيتينگتە 144 ەلدىڭ اراسىندا 43-ورىندا تۇرمىز. كەدەيشىلىكتى تومەندەتۋدە, انا مەن بالا ءولىمىن ازايتۋدا جانە ءبىلىم بەرۋ ىسىندە ەلىمىزدە قىرۋار شارۋالار زامان تالابىنا ساي جۇيەلەندى, – دەدى مينيستر. ال ءبىلىم جانە عىلىم ۆيتسە-ءمينيسترى تاحير بالىقباەۆ مىڭ­جىلدىق دامۋدىڭ ءۇشىنشى ماقسا­تى, ياعني بالالاردى باس­تاۋىش ءبىلىم­مەن قامتۋ ءىسى قازاقستاندا مەرزى­مى­نەن بۇرىن ورىندالعانىن مالىمدەدى. – ەلىمىز ءبىلىم سالاسىندا بەلگىلى ءبىر ماقساتقا قول جەتكىزدى. مىسالى, ءۇشىنشى ماقسات – (مدم – رەد.) كوزدەلگەن ۋاقىتقا جەتكىزىلمەي ەڭسەرىلدى, – دەدى ول. سونداي-اق, ول ءبىلىم جانە عىلىم مينيسترلىگى مەن بۇۇ دامۋ باعدارلاماسى بىرلەسكەن جوبالاردى ىسكە اسىرۋ ۇستىندە ەكەنىن, بۇگىنگى فورۋمدا بۇل ماسەلەلەرگە ەرەكشە كوڭىل بولىنگەنىن ايتتى. جولدىباي بازار, «ەگەمەن قازاقستان».