سۋبسيديالاۋعا وتىنىشتەر قابىلدانۋدا

 «قازاگروماركەتينگ» اق قارىز الۋشىلار مەن ساقتاندىرۋ كومپانيالارىنان اگروونەركاسىپتىك كەشەن سۋبەكتىلەرىنىڭ قارىزدارىن كەپىلدەندىرۋ مەن ساقتاندىرۋ شەڭبەرىندە سۋبسيديالاۋعا وتىنىمدەر قابىلداۋ باستالعانى تۋرالى حابارلايدى. كەپىلدىك/ساقتاندىرۋ سىياقىسى بويىنشا كوميسسيانىڭ ءبىر بولىگىن سۋبسيديالاۋعا: - اۋىل شارۋاشىلىعى قىزمەتىن جۇزەگە اسىرۋ ءۇشىن اينالىم قاراجاتىن تولىقتىرۋعا بەرىلەتىن كرەديتتەر; - اوك سالاسىنداعى قايتا وڭدەۋ كاسىپورىندارىنىڭ اينالىم قاراجاتىن تولىقتىرۋعا بەرىلەتىن كرەديتتەر جاتادى. كەپىلدەندىرۋ مەن ساقتاندىرۋ اياسىنداعى سۋبسيديالار كەپىلدىك/ساقتاندىرۋ سىياقىسى بويىنشا كوميسسيانىڭ 50%-ىن وتەۋگە باعىتتالادى. اوك سۋبەكتىلەرىنىڭ قارىزدارىن كەپىلدەندىرۋ مەن ساقتاندىرۋ شەڭبەرىندە سۋبسيديالاۋدىڭ نەگىزگى ماقساتى اوك سۋبەكتىلەرىنىڭ كرەديت رەسۋرستارىنا قولجەتىمدىلىگىن كەڭەيتۋ جانە قامتاماسىز ەتۋ بولىپ تابىلادى. سۋبسيديالاردى بەرۋ شارتتارى, ۇسىنىلاتىن قۇجاتتارعا قويىلاتىن تالاپتار, وتىنىمدەردى قابىلداۋ جانە شەشىمدەردى شىعارۋ ءتارتىبى ۇكىمەتتىڭ «اگروونەركاسىپتىك كەشەن سۋبەك­تىلەرىنىڭ قارىزدارىن كەپىلدەندىرۋ مەن ساقتاندىرۋ شەڭبەرىندە سۋبسيديالاۋ قاعيدالارىن بەكىتۋ تۋرالى» 2014 جىلعى 5 تامىزداعى №900 قاۋلىسىمەن بەكىتىلگەن. «قازاگروماركەتينگ» اق باعدارلاما اياسىندا وپەراتور قىزمەتىن اتقارادى. باعدارلاما رەسپۋبليكانىڭ بارلىق اۋماعى بويىنشا جۇزەگە اسىرىلادى. بۇگىنگى كۇنى وتىنىمدەردى «قازاگروماركەتينگ» اق-تىڭ 6 وبلىستاعى (اقمولا, پاۆلودار, قىزىلوردا, قاراعاندى, اقتوبە, وڭتۇستىك قازاقستان) جانە استانا قالاسىنداعى وكىلدىكتەرى قابىلداۋدا. وزگە وبلىستاردا وتىنىمدەردى قابىلداۋ جۋىق ارادا باستالادى. قارىزداردى كەپىلدەندىرۋ مەن ساقتاندىرۋ شەڭبەرىندە سۋبسيديالاۋ قازاقستان رەسپۋبليكاسىندا اگروونەركاسىپتىك كەشەندى دامىتۋ جونىندەگى 2013-2020 جىلدارعا ارنالعان «اگروبيزنەس-2020» باعدارلاماسىنىڭ ءبىر باعىتى بولىپ تابىلادى.