قازاقستانعا مىقتى پرەزيدەنت كەرەك

كەشە قازاقستان رەسپۋبليكاسىنىڭ پرەزيدەنتتىگىنە كانديدات نۇرسۇلتان نازارباەۆتىڭ رەسپۋبليكالىق قوعامدىق شتابىنىڭ مۇشەلەرى الماتىدا قالا اكتيۆىمەن, ستۋدەنت جاستارمەن, الماتى كوپىر قۇرىلعىلارى زاۋىتىنىڭ جۇمىسشىلارىمەن كەزدەسىپ, سونداي-اق, ەلباسى جاقتاستارىنىڭ مىڭداعان ادام جينالعان فورۋمىنا قاتىستى. دەلەگاتسيا قۇرامىندا رەسپۋبليكالىق قوعامدىق شتابتىڭ باسشىسى مۇحتار قۇل-مۇحاممەد, «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك, قازاقستان پاتريوتتار پارتياسىنىڭ توراعاسى عاني قاسىموۆ, «اق جول» دەموكراتيالىق پارتياسىنىڭ توراعاسى ازات پەرۋاشەۆ, «بىرلىك» پارتياسىنىڭ توراعاسى سەرىك سۇلتانعالي, پارلامەنت ءماجىلىسىنىڭ دەپۋتاتتارى, ۇەۇ, عىلىم جانە شىعارماشىلىق ينتەلليگەنتسيا وكىلدەرى, بەلگىلى قوعام قايراتكەرلەرى, ت.ب. بولدى. رەسپۋبليكا سارايىنا 3 مىڭداي ال­ما­­تىلىقتار – پرەزيدەنتتىڭ سەرىك­تەستە­رى, قوعام قايراتكەرلەرى, ارداگەر­لەر, قا­لا­نىڭ قۇرمەتتى ازاماتتارى, ەتنومادەني ءبىر­لەستىكتەردىڭ, جاستار ۇيىم­دارىنىڭ, شا­عىن جانە ورتا بيزنەس­تىڭ وكىلدەرى جينا­لىپ, كەزەكتى مارتە وزدەرىنىڭ ن.ءا.نا­زار­باەۆتى قولداي­تىن­دىقتارىن ءبىلدىردى. تاۋەلسىز قازاقستاننىڭ ەڭ العاشقى ۇكىمەت توراعاسى سەرگەي تەرەششەنكو اكتيۆ بارىسىندا نۇرسۇلتان نازارباەۆتىڭ بار-جوعى 24 جىلدىڭ ىشىندە ەلدىڭ جان باسىنا شاققانداعى ءىجو-ءسىن 30-دان استام رەتكە ۇلعايتۋ قولىنان كەلگەن اسا كورنەكتى مەملەكەت قايراتكەرى بولىپ تابىلاتىنىن اتاپ كورسەتتى. بەلگىلى مەملەكەت قايراتكەرى قۋانىش سۇلتانوۆ ەلباسىنىڭ قازاقستاندى پىكىرى الەمدىك ارەنادا ۇلكەن سالماققا يە حالىقارالىق قوعامداستىقتىڭ بەدەلدى مۇشەسى جاساعانىن اتاپ ءوتتى. «بىرلىك» پارتياسىنىڭ توراعاسى سەرىك سۇلتانعالي نۇرسۇلتان نازارباەۆتىڭ ەڭ باستى ەڭبەگى ونىڭ كوپۇلتتى جانە كوپكونفەسسيالى قازاقستان حالقىن ونىڭ تۇتاستىعى مەن ءوسىپ-وركەندەۋىنە قول جەتكىزە وتىرىپ, بىرىكتىرە جانە سوڭىنان ەرتە بىلگەنى ەكەنىن مالىمدەدى. قازاقستان قارجىگەرلەر قاۋىم­داس­تىعىنىڭ توراعاسى سەرىك احانوۆ نۇر­سۇلتان نازارباەۆتى وتاندىق قار­جى-ەكو­نوميكالىق جۇيەسىنىڭ باستى ارحيتەكتورى دەپ اتادى. سونداي-اق, ەل­باسىنىڭ سارابدال ساياساتىنىڭ ارقا­سىندا قازاقستاننىڭ قار­جى-ەكونو­ميكالىق جۇيەسى بۇگىندە الەم­دەگى ەڭ مىقتىلارىنىڭ ءبىرى بولىپ تا­بى­لاتىنىن, وسى سەبەپتى جاھاندىق داعدا­رىستىڭ اسا اۋىر سالدارلارىنا توتەپ بەرە الىپ وتىرعاندىعىن اتاپ كور­سەتتى. «بەلكاميت» اق-تىڭ باس ديرەكتورى نۇرسۇلتان نازارباەۆقا ونەركاسىپشىلەرگە قولداۋ كورسەتىپ كەلە جاتقانى ءۇشىن ءوزىنىڭ زور ريزاشىلىعىن ءبىلدىردى. «ەلباسىنىڭ ءوزى ءوندىرىس سالاسىنان شىققاندىقتان دا ءبىزدى باسقالاردان جاقسى تۇسىنەدى جانە جاڭا كاسىپورىندار قۇرىپ, جۇمىس ورىندارىن اشۋ ارقىلى دامۋىمىزعا ۇلكەن كومەك كورسەتىپ كەلەدى», دەپ اتاپ كورسەتتى پاۆەل بەكلەميشەۆ. اكتيۆكە قازاقستان حالقى اسسام­بلەيا­سىنىڭ مۇشەسى اسىلى وسمان قاتىستى. بەلگىلى عالىم جانە پەداگوگ نۇرسۇلتان نازارباەۆتىڭ دانا ساياساتىنىڭ ارقا­سىندا ءار قازاقستاندىق شىعۋ تەگىنە جانە ۇلتىنا قاراماستان, ومىردە ۇلكەن تا­بىستارعا قول جەتكىزۋ مۇمكىندىگىنە يە ەكەنىن اتاپ ءوتتى. اسىلى وسماننىڭ پىكىرىنشە, بۇل ەلىمىزدەگى دەموكراتيالىق دامۋ دەڭگەيىنىڭ باستى كورسەتكىشتەرىنىڭ ءبىرى بولىپ تابىلادى. نۇرسۇلتان نازارباەۆ تۋرالى اتاقتى كومپوزيتور نۇرعيسا تىلەنديەۆتىڭ قىزى جىلى سوزدەر ايتتى. بەلگىلى جانە تالانتتى ديريجەر ءدىنزۋحرا تىلەنديەۆا ەلباسىنا ونەر مەن مادەنيەت سالاسىنا كورسەتىپ كەلە جاتقان اكەلىك قامقورلىعى ءۇشىن شىن جۇرەكتەن شىققان ريزاشىلىعىن ءبىلدىردى. كۇننىڭ ەكىنشى جارتىسىندا رەس­پۋب­ليكالىق قوعامدىق شتابتىڭ مۇشە­لەرى الماتى قالاسىنداعى جوو ستۋدەنت­تەرىمەن كەزدەستى. ستۋدەنتتەر الدىندا ءسوز سويلەگەن قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ءجانيا اۋباكىروۆا بۇكىل الەم تۇراقسىزدىق قامىتىن كيگەن شاقتا قازاقستان بۇرىن-سوڭدى بولماعان «نۇرلى جول» الەۋمەتتىك-ەكونوميكالىق باعدارلاماسىن «ماڭگىلىك ەل» رۋحاني-ادامگەرشىلىك ۇلتتىق يدەياسىمەن ءبىر مەزگىلدە جۇزەگە اسىرا وتىرىپ, ءوزىنىڭ الەۋەتىن ارتتىرا ءتۇسىپ كەلە جات­قانىن اتاپ كورسەتتى. «وسىنىڭ بارلىعى قازاقستان حالقىنىڭ كوڭىلىنە ماقتانىش سەزىمىن ۇيالاتىپ, بارشامىزدى توپتاستىرا تۇسەدى جانە ەلباسىمەن – زامانىمىزدىڭ الەمدىك دەڭگەيدە مويىندالعان ساياسي كوشباسشىسىمەن بىرگە بولاشاققا قاراي ەركىن ادىمداۋعا مۇمكىندىك بەرەدى!» – دەدى ءوزىنىڭ سوزىندە ج.اۋباكىروۆا. رەسپۋبليكالىق قوعامدىق شتابتىڭ ءمۇ­شەلەرى, سونداي-اق, الماتى كوپىر قۇ­رىلعىلارى زاۋىتىنىڭ جۇمىسشى­لارى­مەن كەزدەستى. اتالعان ءوندىرىس ورنىندا 700-دەن استام ادام جۇمىس ىستەسە, وندا ەلباسى ن.ءا.نازارباەۆ باستاماشىلىق تانىتقان «باتىس ەۋروپا – باتىس قىتاي» كولىك ءدالىزىنىڭ قازاقستاندىق بولىگىنىڭ قۇرىلىسى ءۇشىن جوعارى ساپالى تەمىر-بەتون بۇيىمدارى شىعارىلادى. زاۋىت ديرەكتورى احمەتجان شار­دينوۆ كەزدەسۋ كەزىندە بىلاي دەپ اتاپ كورسەتتى: «ءبىزدىڭ ەلباسىمىز قاشاندا حالىقپەن بىرگە جانە اركەز بىزدەردى – جۇمىسشىلاردى قولداپ, دەمەپ كەلەدى. بۇگىن بىزگە دە ءوزىمىزدىڭ پرەزيدەنتىمىزدى قولداۋ كەرەك. مەن قازاقستاننىڭ بارلىق جۇمىسشىلارى قاشانداعىداي پرەزيدەنتتىك سايلاۋدا ءبىزدىڭ ورتاق كوشباسشىمىز نۇرسۇلتان نازارباەۆ ءۇشىن داۋىس بەرەتىندەرىنە سەنىمدىمىن!». زاۋىت جۇمىسشىلارى, ءوز كەزەكتەرىندە, مەملەكەت باسشىسىنىڭ ەڭبەك ادامىنا كورسەتىپ كەلە جاتقان قۇرمەتى ءۇشىن ريزاشىلىقتارىن ءبىلدىردى. اكقز-نىڭ جۇمىسشىسى ەلەنا نوۆيكوۆا جاقىندا زاۋىت ۇجىمى ەلباسىنا پرەزيدەنتتىك سايلاۋعا قاتىسۋ تۋرالى وتىنىشپەن ۇجىمدىق حات جازعانىن ايتتى. ادامدار وزدەرىنىڭ ۇندەۋلەرى نۇر­سۇل­تان نازارباەۆقا جەتكەنىن بىلگەن­دە شىن كوڭىلدەن قۋانعاندارىن كولدە­نەڭ تارتتى. «ءبىزدىڭ جۇمىسشىلار وزدەرى­نىڭ بۇل ارەكەتتەرىن ماقتان ەتەدى جانە ەل­با­سىنىڭ پرەزيدەنتتىك سايلاۋدا جەڭىسكە جەتەتىنىنە ەش كۇمان كەلتىرمەيدى», دەپ مالىمدەدى ەلەنا نوۆيكوۆا. رەسپۋبليكالىق قوعامدىق شتاب م­ۇ­شە­لەرىنىڭ الماتىعا جۇمىس ساپارلارىنىڭ العاشقى كۇنى ەلباسىن جاقتاۋشىلاردىڭ فورۋمىمەن اياقتالدى. وعان شامامەن 5000-داي ادام قاتىستى. فورۋمدا «نۇر وتان» پارتياسى سايا­سي كەڭەسى بيۋروسىنىڭ مۇشەلەرى قۋا­­نىش سۇلتانوۆ پەن سۆەتلانا روما­نوۆ­سكايا, اۋعانستان سوعىسى ارداگەر­لەرى قاۋىمداستىعىنىڭ توراعاسى باقىت­­بەك سماعۇل, 2000 جىلعى سيدنەي وليم­پي­ا­دا­سىنىڭ چەمپيونى ەرماحان ىبى­رايىموۆ جانە Turkvision-2014 بايقاۋىنىڭ جە­ڭىم­پازى جانار دۇعالوۆا ءسوز سويلەدى. الماتىلىقتار قازاقستانعا مىقتى پرەزيدەنت كەرەك دەپ مالىمدەدى. سون­دىق­تان ولار نۇرسۇلتان نازارباەۆقا داۋىس بەرەتىن بولادى. ايناش ەسالي, «ەگەمەن قازاقستان». الماتى.