قىزىلوردا. 21 مامىر. قىزىلوردا وبلىسىنىڭ كاسىپكەرلەر پالاتاسى ءبىلىم باسقارماسىمەن بىرگە ايماق مەكتەپتەرى وقۋشىلارىنىڭ اراسىندا كاسىبي باعدار بەرۋ شارالارىن جالعاستىرۋدا. بۇل تۋرالى egemen.kz ءتىلشىسى حابارلادى.
قىزىلوردا قالاسىنداعى نازارباەۆ زياتكەرلىك مەكتەبىنىڭ 9-11 سىنىپ وقۋشىلارى وبلىستىق تەلەكوممۋنيكاتسيا ديرەكتسياسى مەكەمەسىنىڭ جۇمىسىمەن تانىستى. وقۋشىلار iD Center-دە بولىپ, تەلەكوممۋنيكاتسيا سالاسىنداعى زاماناۋي, سۇرانىسقا يە ماماندىقتار جونىندە ماعلۇماتتار الىپ, جاڭا تەحنولوگيالاردى پايدالانۋ ارقىلى ءومىر ءسۇرۋ ساپاسىن جاقسارتۋعا بولاتىنىن ءبىلدى.
iD Center – تۇرعىنداردىڭ «قازاقتەلەكوم» اق جوسپارلاپ وتىرعان جاڭا تەحنولوگيالار, قىزمەت كورسەتۋلەر مەن سەرۆيستەر تۋرالى اقپاراتتاندىرىلۋىن ارتتىراتىن بىرەگەي جوبا.
«بۇگىن ءبىز ينتەرنەت جەلىسى جانە «قازاقتەلەكوم» اق-نىڭ قىزمەتتەرى تۋرالى كوپتەگەن مالىمەتتەر الدىق. اسىرەسە, ءبىزدى «iD Net» جوعارى جىلدامدىقتى ينتەرنەت جەلىسىنىڭ قىزمەتى قىزىقتىردى», – دەيدى وقۋشىلار.
كەزدەسۋ سوڭىندا مەكەمە قىزمەتكەرلەرى وقۋشىلارعا جاڭا اقپاراتتىق تەحنولوگيالىق سالاسىنا قاتىستى ينتەللەكتۋالدىق ويىندار ۇيىمداستىرىپ, بەلسەندى قاتىسۋشىلارعا «قازاقتەلەكومنىڭ» اتىنان سىيلىقتار تابىس ەتتى.
ەرجان بايتىلەس.
دەرەك, سۋرەت: egemen.kz.
