قىزىلوردا. 21 مامىر. مادەنيەت جانە ونەر قىزمەتكەرلەرىنىڭ كۇنى مەرەكەسىنە وراي ءا.تاجىباەۆ اتىنداعى وبلىستىق كىتاپحانادان قازاقستاننىڭ حالىق جازۋشىسى, اۋدارماشى, دراماتۋرگ قالتاي مۇحامەدجانوۆتىڭ جەكە كىتاپحاناسى اشىلدى. بۇل تۋرالى egemen.kz ءتىلشىسى حابارلادى.
شاراعا وبلىس اكىمى قىرىمبەك كوشەرباەۆ قاتىسىپ, جاڭا كىتاپحانانىڭ اشىلۋىمەن قۇتتىقتادى. «قالتاي اعانىڭ ومىردەن وزعانىنا دا 14-15 جىلدىڭ ءجۇزى بولدى. ول كىسى ارتىنا باي ادەبي مۇراسى مەن درامالىق شىعارمالارىن, پۋبليتسيستيكالىق ەڭبەكتەرى مەن بىرقاتار اۋدارمالارىن قالدىرىپ كەتتى. كەلەشەكتە بۇل كىتاپحانانىڭ حالىق يگىلىگىنە قىزمەت ەتەتىن مادەني ورتالىققا اينالاتىنىنا, وقىرماندارىنىڭ جۇرەگىنە جول تاباتىن ءبىلىم ورداسىنا اينالارىنا سەنىمىمىز مول», – دەدى وبلىس اكىمى.
ايتا كەتەيىك, جازۋشىنىڭ دراماتۋرگيالىق شىعارمالارى شەت تىلدەرىنە اۋدارىلىپ, اقش, ۇلىبريتانيا, بولگاريا, ۆەنگريا, موڭعوليا, رەسەي, قىرعىزستان جانە تاعى باسقا ەلدەردىڭ تەاترلارىندا قويىلعان. بۇگىنگى كۇنى كىتاپحاناعا جازۋشىنىڭ جەكە كىتاپحاناسىنداعى 8 مىڭعا جۋىق كىتاپ, كوپ جىلدار پايدالانعان زاتتارى, جازۋ قۇرالدارى, كادەسىيلارى مەن پورترەتى اكەلىنگەن.
ەرجان بايتىلەس.
دەرەك, سۋرەت: egemen.kz.
