سولتۇستىك قازاقستاندا دۇلەي داۋىل تۇردى

پەتروپاۆل. 21 مامىر. ەۋروپانىڭ شىعىس وڭىرىنەن سوققان كۇشتى تسيكلون قىزىلجار ءوڭىرىن دە ۇلكەن ابىگەرگە سالدى. بۇل تۋرالى وبلىستىق توتەنشە جاعدايلار جونىندەگى دەپارتامەنتىنىڭ ماماندارى حابارلادى. سەكۋندىنا 29-31 مەتر جىلدامدىقپەن ەكىلەنە, ەلىرە سوققان جەل ەمەن اعاشتاردى تامىرىمەن ج ۇلىپ اكەتىپ, كوشەلەردى ءاپ-ساتتە جايراتىپ سالدى.  اۋا رايى كۇرت تومەندەپ, قىسقى باقتىڭ شاتىرى قاڭباقشا دومالاپ ءتۇستى.  بىرنەشە كولىكتىڭ ۇستىنە اعاشتار قۇلاپ, قاتتى زاقىمداندى. وبلىس ورتالىعىنداعى توقسان بي كوشەسىندە ەلەكتر باعانالارىنا نۇقسان كەلىپ, جارىق بەرۋ توقتاتىلدى. تيميريازەۆ, شال اقىن اۋداندارىندا جەلدىڭ جىلدامدىعى سەكۋندىنا 30-31 مەترگە دەيىن جەتتى. «رەسەي فەدەراتسياسىنىڭ ەۋروپالىق بولىگىنەن جەتكەن تسيكلون جايلى الدىنالا ەسكەرتىلگەنىن قاراماستان, ونىڭ كۇشى ءبىز كۇتكەندەگىدەن دە اسىپ ءتۇستى. ايتەۋىر, ادام شىعىنى جوق. مۇنداي قولايسىز جاعداي الدا قايتالانادى دەپ كۇتىلۋدە», دەيدى «قازگيدرومەت» رمك جەرگىلىكتى فيليالىنىڭ ءبولىم باستىعى گۇلزات عازيزوۆا. ءومىر ەسقالي. دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتى. سۋرەت: egemen.kz