ماڭىزدى ماسەلەلەرگە نازار اۋدارىلدى

كەشە مەملەكەت باسشىسى نۇرسۇلتان نازارباەۆ تمد جانە شىۇ ەلدەرى پروكۋراتۋرالارى باسشىلارىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. پروكۋراتۋرا باسشىلارى استاناعا شانحاي ىنتى­ماقتاستىق ۇيىمىنا مۇشە مەملەكەتتەر باس پروكۋرورلارىنىڭ 13-وتىرىسىنا جانە تاۋەلسىز مەملەكەتتەر دوستاستىعىنا مۇشە مەملەكەتتەر باس پروكۋرورلارى ۇيلەستىرۋ كەڭەسىنىڭ 25-وتىرىسىنا قاتىسۋ ءۇشىن كەلدى. كەزدەسۋدە شىۇ جانە تمد اياسىندا زاڭدىلىقتى, قاۋىپسىزدىكتى جانە وڭىردەگى تۇراقتىلىقتى ساقتاۋدىڭ ماڭىزدى ماسەلەلەرى تالقىلاندى. مەملەكەت باسشىسى تمد ەلدەرى پروكۋراتۋرالارىنىڭ ءوزارا ءىس-قيمىلىن كۇشەيتۋدىڭ قاجەتتىگىن اتاپ ايتتى. سىزدەر وسى فورماتتا 20 جىل­عا جۋىق ۋاقىت بويى كەزدەسۋلەر وتكىزىپ كەلەسىزدەر, ال 15 جىل بۇرىن تمد-نىڭ حالىقارالىق ورگانى مارتەبەسىنە يە بولدىڭىزدار.  ءاربىر وتىرىس ارقىلى قارىم-قاتىناستى نىعايتا تۇستىڭىزدەر. سونىمەن قاتار, 2001 جىلدان بەرى شانحاي ىنتىماقتاستىق ۇيىمى جۇمىس ىستەيدى, ول حالىقارالىق ارەنادا ەلەۋلى كۇشكە اينالدى. سوڭعى وتىرىستا ۇيىمعا جاڭا مۇشەلەر قابىلداۋ جونىندە شەشىم قابىلداندى, – دەدى نۇرسۇلتان نازارباەۆ. بۇل ورايدا قازاقستان پرەزي­دەنتى تەرروريزممەن جانە ەكسترەميزممەن, سونداي-اق, ترانسۇلتتىق قىلمىستىڭ وزگە دە تۇرلەرىمەن كۇرەس ماسەلەلەرى بويىنشا بىرلەسكەن ءتيىمدى قادامدار جاساۋدىڭ ماڭىزدىلىعىنا توقتالىپ,  بۇل سۇحبات پروكۋرورلاردىڭ ءوزارا ءىس-قيمىلىن جاڭا دەڭگەيگە كوتەرۋگە مۇمكىندىك بەرەتىنىن ايتتى. مەملەكەت باسشىسى وسىنداي كەزدەسۋلەر زاڭ ۇستەمدىگىن جانە شىۇ, تمد ەلدەرى اۋماعىندا قىلمىسقا قارسى بىرلەسكەن كۇرەستى كۇشەيتۋگە سەپتىگىن تيگىزەدى دەپ ۇمىتتەنەتىنىن جەتكىزدى. كەزدەسۋ بارىسىندا قازاقستان رەسپۋبليكاسىنىڭ باس پروكۋرورى ا.داۋىلباەۆ مەملەكەت باسشىسىنا ۇيىمعا باقىلاۋشى ەلدەر – ءۇندىستان, اۋعانستان جانە بەلارۋس ۆەدومستۆولارى باسشىلارىنىڭ قاتىسۋىمەن وتكەن شانحاي ىنتىماقتاستىعى ۇيىمىنا مۇشە مەملەكەتتەر باس پروكۋرورلارى وتىرىسىنىڭ ناتيجەلەرى تۋرالى باياندادى. سۋرەتتەردى تۇسىرگەندەر س.بوندارەنكو, ب.وتارباەۆ