قاراعاندىدا زاڭدى بۇزعان كاسىپورىننان 253 ملن تەڭگە ءوندىرىلىپ الىندى

قاراعاندى. 27 تامىز. قاراعاندى وبلىسىندا ءوندىرىس قالدىقتارى مەن زالالدى زاتتاردى قورشاعان ورتاعا زاڭسىز شىعارعانى ءۇشىن  «BasselGroup LLS» فيرماسىنان 253 ميلليون تەڭگە ءوندىرىلىپ الىندى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى. اتالعان كاسىپورىن جىلۋ جانە ەلەكتر ەنەرگياسىن وندىرۋمەن, جەتكىزۋمەن جانە ساتۋمەن اينالىسادى. وبلىستىڭ تابيعاتتى قورعاۋ پروكۋراتۋاسى جانە ەكولوگيا دەپارتامەنتى بىرىگىپ جۇرگىزگەن تەكسەرۋ كەزىندە كاسىپورىننىڭ 2015 جىلدان باستاپ ءتيىستى ورگانداردىڭ رۇقساتىنسىز ءوندىرىس قالدىقتارى مەن زالالدى زاتتاردى قورشاعان ورتاعا شىعارىپ, تابيعاتتى لاستاپ كەلگەنى انىقتالدى. تابيعاتتى قورعاۋ پروكۋراتۋراسى قاراعاندى وبلىستىق اۋدانارالىق مامانداندىرىلعان ەكونوميكالىق سوتىنا «BasselGroup LLS» جشس-ىنەن مەملەكەت پايداسىنا 253 ميلليون تەڭگە وتەماقى ءوندىرىپ الۋ تۋرالى تالاپ ارىز تۇسىرگەن بولاتىن. سوت تالاپ ارىزدى تولىعىمەن قاناعاتتاندىردى. قايرات ءابىلدينوۆ. دەرەك: قاراعاندى وبلىستىق پروكۋراتۋرانىڭ ءباسپاسوز قىزمەتى. سۋرەت: azh.kz.