حالىقارالىق عارىش كەشەنىندە قازاق داستارحانى جايىلادى

الماتى. 27 تامىز. ماسكەۋ تۇبىندەگى جۋكوۆسكي قالاسىندا «قازعارىشتىڭ» باسشىسى تالعات مۇساباەۆپەن «روسكوسموس» باسشىسىنىڭ مىندەتىن ۋاقىتشا اتقارۋشى الەكساندر يۆانوۆ قازاق عارىشكەرى ۇشاتىن ساپارعا بايلانىستى ەكى جاقتى كەزەكتى كەلىسىمگە قول قويدى. بۇل تۋرالى ريا نوۆوستي حابارلادى. «سويۋز تما-18م» عارىش كەمەسىنىڭ ەكيپاجى «روسكوسموستىڭ» كوسموناۆى سەرگەي ۆولكوۆ, ەۋروپالىق عارىش اگەنتىگىنىڭ استروناۆى اندرەاس موگەنسەن جانە قازاقستان رەسپۋبليكاسىنىڭ عارىشكەرى ايدىن ايىمبەتوۆتىڭ حالىقارالىق عارىش كەشەنىنە (حعك) اتتاناتىن ساپار ۋاقىتى 2015 جىلعى 2 قىركۇيەكتە, 07 ساعات 34 مينۋتتا (ماسكەۋ ۋاقىتى) باستالادى دەپ بەلگىلەندى. عارىشكەرلەر قازىر – بايقوڭىردا. وسىنداعى مونتاجداۋ-سىناق كەشەنىندە سوڭعى جاتتىعۋلار جاساۋ ۇستىندە. ولار قالاداعى عارىشكەرلەر اللەياسىنا اعاش وتىرعىزدى. ايدىننىڭ ارىپتەستەرى قازاق تامعامدارىنان ءدام تاتتى. عارىش كەڭىستىگىندە دە قازاق داستارحانى جايىلاتىنى وسى كۇنى بەلگىلى بولدى. ويتكەنى, ايدىن ايىمبەتوۆ عارىشقا قازاقشا ەت پەن قازى, قىمىز الىپ ۇشادى. ارينە, بۇدان ۇلت تاعامدارى پىسكەن ياكي شيكى تۇرىندە دەگەن وي تۋماۋى كەرەك, تاعامدار ۇشۋ تالابىنا ساي سۋبليماتسيالانىپ, پاكەتتەلىنگەن. تالعات ءسۇيىنباي. دەرەك, سۋرەت: ريا نوۆوستي