پەتروپاۆل. 21 مامىر. ەڭبەك ميگرانتتارىنا رۇقسات بەرۋ ءۇردىسى جەڭىلدەتىلگەلى قىزىلجار وڭىرىندە 1500 شەتەلدىك جۇمىسقا تۇرۋ مۇمكىندىگىن يە بولدى. بۇل تۋرالى egemen.kz ءتىلشىسى حابارلادى.
تەك بيىلدىڭ وزىندە كوشى-قون پوليتسياسى قىزمەتكەرلەرى تاراپىنان شەتەلدىك ازاماتتاردى ەڭبەككە ورنالاستىرۋعا 358 رۇقسات بەرىلگەن. ولاردىڭ اراسىندا 70 ايەل, اسپاز, ءۇي كۇتۋشى بولىپ ورنالاسقان. شەتەلدىك جۇمىسشىلار نەگىزىنەن وزبەكستاننان كەلگەندەر بولىپ تابىلادى. ولاردىڭ باسىم بولىگى قۇرىلىس سالاسىندا جۇمىس اتقارادى.
الايدا, شەتەلدىك جۇمىس كۇشىن زاڭسىز تارتۋ فاكتىلەرى دە كەزدەسپەي قويمايدى. پەتروپاۆل قالاسىنىڭ ءبىر كاسىپكەرى وزبەكستاننىڭ ەكى ازاماتىن ءتيىستى قۇجاتتارسىز اسحاناعا جۇمىسقا العانى ءۇشىن 50 مىڭ تەڭگە ايىپپۇل تولەگەن. الايدا ازاماتشا ايىپپۇلدى 7 كۇن ىشىندە تولەگەنى ءۇشىن جاڭا زاڭناماعا سايكەس ونىڭ كولەمى 50 پايىزعا قىسقارعان.
«جىل باسىنان زاڭسىز ەڭبەك قىزمەتى ءۇشىن 12 جۇمىس بەرۋشى, 16 شەتەل ازاماتى جاۋاپكەرشىلىككە تارتىلدى», دەيدى سقو ءىىد كوشى-قون پوليتسياسى باسقارماسىنىڭ باستىعى ەركەتاي تۇتقىشەۆ.
ءومىر ەسقالي.
دەرەك: قازاقپارات.
سۋرەت: سولتۇستىك قازاقستان وبلىستىق كوشى-قون پوليتسياسى باسقارماسى.
