قىزىلوردالىقتار قارۋلارىن تاپسىرىپ جاتىر

قىزىلوردا. 27 تامىز. تراۆماتيكالىق قارۋدى ەرىكتى تۇردە وتەمدى تاپسىرۋ شىعىندارىن قارجىلاندىرۋ ءۇشىن رەسپۋبليكالىق بيۋدجەتتەن قىزىلوردا وبلىسىنا 12 286 000 تەڭگە بولىنگەن. اكتسيا باستالعان ۋاقىتتان بەرى تۇرعىنداردان ءار ءتۇرلى ۇلگىدەگى 306 دانا قارۋ تاپسىرىلدى. بۇل تۋرالى egemen.kz ءتىلشىسى حابارلادى. تۇرعىنداردان الىنعان اتىس قارۋلارىنا ءتيىستى ساراپتامالار تاعايىندالىپ, قابىلدانعان تاپانشالاردىڭ 273 داناسىنا كوميسسيا قورىتىندىسىمەن شەشىم قابىلدانىپ, 239 تۇلعاعا ءتيىستى قاراجات تولەندى. وسىعان سايكەس, قارۋلارىن ەرىكتى تۇردە وتكىزبەگەن ازاماتتارعا ەسكەرتە كەتەرلىك جايت, 2016 جىلدىڭ 1 قاڭتارىنان باستاپ جاراقات سالاتىن پاتروندارمەن اتۋ مۇمكىندىگى بار ۇڭعىسىز اتىس قارۋىن, سول سياقتى ونىڭ پاتروندارىن زاڭسىز يەمدەنۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ قىلمىستىق كودەكستىڭ 287-بابىنىڭ 2-بولىگىمەن 2 مىڭ ايلىق ەسەپتiك كورسەتكiشكە دەيiنگi مولشەردە (3 964 000 تەڭگە) ايىپپۇل سالۋعا نە سول مولشەردە تۇزەۋ جۇمىستارىنا نە ءبىر جىلعا دەيiنگi مەرزiمگە باس بوستاندىعىنان ايىرۋعا جازالانادى. ەرجان بايتىلەس. دەرەك: egemen.kz. سۋرەت: radiotochka.kz.