قىزىلوردالىق ستۋدەنت كىلەم تازالايتىن ورتالىق اشتى

قىزىلوردا. 27 تامىز. قىزىلوردادا 20 جاستاعى جاس كاسىپكەر عابيدەن جاقسىلىق كىلەمدى كاسىبي تازالايتىن «انسارلار» ورتالىعىن اشىپ, حالىققا قىزمەت كورسەتە باستادى. بۇل تۋرالى egemen.kz ءتىلشىسى حابارلادى. كاسىپورىننىڭ جاس ديرەكتورى قىزىلوردالىقتارعا جوعارى ساپادا كىلەم تازالاۋ قىزمەتىن ۇسىنىپ وتىر. ستارتاپەردىڭ جوباسى اياسىندا ساتىپ الىنعان سوڭعى ۇلگىدەگى تەحنولوگيا كىلەمنىڭ تۇپكى داقتارىن دا تازالاۋعا مۇمكىندىك بەرەدى. عابيدەنگە كاسىپكەر اعاسى 3 ميلليون تەڭگە كومەك بەرگەن. الايدا, جوبانى تولىق جۇزەگە اسىرۋ ءۇشىن بۇل قاراجات جەتكىلىكسىز بولىپ شىقتى. كاسىپكەرلەر اقىلداسا كەلە بانكتەن نەسيە الۋعا بەكىنەدى. وسىلايشا, مەملەكەتتىك قولداۋ باعدارلامالارى اياسىندا العان 11,5 ميلليون تەڭگە نەسيە قارجىسىن جاس كاسىپكەر بۇگىندە تولىق يگەرىپ وتىر. «دامۋ» قورىنىڭ قىزمەتكەرلەرىنەن «بيزنەستىڭ جول كارتاسى 2020» باعدارلاماسى تۋرالى ەستىگەن سوڭ بىردەن قاتىسۋعا بەكىندىم. جوبامنىڭ 30 پايىزىن جاباتىن كەپىلدەمە قويىپ, «دامۋ» قورىنىڭ 70 پايىز كەپىلدەندىرۋى ارقاسىندا نەسيە الىپ بيزنەس اشتىم», – دەيدى جاس كاسىپكەر. ەرجان بايتىلەس. دەرەك, سۋرەت: egemen.kz.