قىزىلوردادا كونستيتۋتسيانىڭ 20 جىلدىعى اتالىپ ءوتتى

قىزىلوردا. 27 تامىز. قىزىلوردادا «كونستيتۋتسيا – ۇلى ىستەر جارشىسى» اتتى مەرەكەلىك سالتاناتتى شارا ءوتتى. بۇل تۋرالى egemen.kz ءتىلشىسى حابارلادى. «20 جىلدىڭ ىشىندە ءبىزدىڭ اتا زاڭىمىز تاۋەلسىز ەلىمىزدىڭ تەز ەسەيىپ, بۇعاناسى قاتپاعان بالاڭ كۇيدەن ءوز جولى بار, بەرەكەلى ەل دارەجەسىنە دەيىن جەدەل جەتىلۋىنە جاعداي جاسادى. ويتكەنى نەگىزگى زاڭ دۇنيەجۇزىنىڭ ەڭ وزىق زاڭنامالىق تاجىريبەسىن قورىتىپ, ەلىمىزدىڭ ۇزاق مەرزىمدى ماقساتتارىن ەسكەرە وتىرىپ جاساقتالدى. ەڭ باستىسى, اتا زاڭ دالالىق ءداستۇر مەن حالقىمىزدىڭ ەجەلگى وركەنيەتىنىڭ شەبەرحاناسىندا شىڭدالىپ, ءبىر كەزدەگى بيلەر ينستيتۋتى, جەتى جارعى سەكىلدى ۇلتتىق ءداستۇر مەن ادەتتىڭ رۋحىن بويىنا ءسىڭىردى. سوندىقتان دا, قازاقستان كونستيتۋتسياسى الەمنىڭ تاجىريبەسى جانە ءتول مادەنيەتىمىز بەن ادەبىمىزگە ارقا سۇيەيتىن زامان تالابىنا ساي قۇجات ەكەنىن ەشكىم جوققا شىعارا المايدى», – دەدى قۇتتىقتاۋ سوزىندە وبلىس اكىمى قىرىمبەك كوشەرباەۆ. سالتاناتتى شارادا وبلىستىڭ دامۋىنا ايرىقشا ۇلەس قوسىپ جۇرگەن ازاماتتار «قازاقستان كونستيتۋتسياسىنا 20 جىل» مەرەكەلىك مەدالدارىمەن ماراپاتتالدى. ەرجان بايتىلەس. دەرەك, سۋرەت: egemen.kz.