ەلباسى ورالداعى «زەنيت» زاۋىتىندا بولدى

استانا. 2 ءساۋىر. ەلباسى باتىس قازاقستان وبلىسىنا ساپارى بارىسىندا «ورال «زەنيت» زاۋىتى» اكتسيونەرلىك قوعامىندا بولدى. مەملەكەت باسشىسى ول جەردە كاتەرلەر مەن كەمەلەردىڭ ماكەتتەرى قويىلعان كورمەنى ارالاپ كوردى. بۇل تۋرالى اقوردانىڭ ءباسپاسوز قىزمەتىنە سۇيەنىپ egemen.kz حابارلادى. زاۋىتقا كەلگەن نۇرسۇلتان نازارباەۆ ەڭبەك ۇجىمىمەن كەزدەستى. مەملەكەت باسشىسى كەمە جاساۋ وتاندىق ەكونوميكاداعى جاڭا سالا ەكەنىن, ونىڭ شىعاراتىن ونىمىنە نارىقتا سۇرانىس بارىن ايتتى. قازاقستان پرەزيدەنتى يندۋستريالىق-يننوۆاتسيالىق دامۋ وسىنداي كاسىپورىندارعا ارقا سۇيەيتىنىنە نازار اۋداردى. اڭگىمە بارىسىندا زاۋىت جۇمىسشىلارى ەلدە جۇزەگە اسىرىلىپ جاتقان باعدارلامالارعا قولداۋ بىلدىرە وتىرىپ, ءوز تابىستارى تۋرالى باياندادى. كاسىپورىن ارناۋلى تەحنيكا, مۇناي-گاز سالاسى ءۇشىن جابدىقتالعان كاتەر جانە كەمەلەر سياقتى ونىمدەر شىعارادى. زاۋىت تەحنولوگيالىق ۇدەرىستەردىڭ كەڭ اۋقىمىن قاجەت ەتەتىن كونسترۋكتسياسى كۇردەلى ءارى قيىن بۇيىمدار جاساۋعا باعىتتالعان. ەلامان قوڭىر.           دەرەك: egemen.kz. سۋرەت: inform.kz.