سولتۇستىك قازاقستاندا كوكتەمگى ناۋقان قىزۋ قارقىن الدى

پەتروپاۆل. 21 مامىر. بيىل 3,3 ميلليون گەكتار القاپقا ءداندى جانە ءداندى-بۇرشاقتى, 568 مىڭ گەكتارعا مايلى, 448 مىڭ گەكتارعا جەمازىقتىق داقىلدار سەبۋ جوسپارلانعان.  بۇل تۋرالى وبلىستىق اۋىل شارۋاشىلىعى باسقارماسىنىڭ ماماندارى حابارلادى. ولاردىڭ جەدەل مالىمەتتەرى بويىنشا جازدىق داقىلدار 300 مىڭ گەكتارعا سەبىلدى. ونىڭ ىشىندە, بيداي 180 مىڭ گەكتاردى قۇرايدى. كوكتەمگى – دالا جۇمىستارىنىڭ قارقىنى اقجار, قىزىلجار, شال اقىن اۋداندارىندا جوعارى. 160 مىڭ گەكتارعا مايلى داقىلدار ورناساتىرىلدى. بۇل رەتتە قىزىلجار ايىرتاۋ, ەسىل اۋداندارى شيراق قيمىل تانىتىپ كەلەدى. جەمازىقتىق داقىلداردى سەبۋ 20 پايىزعا اتقارىلدى. بارلىق القاپتىڭ 40 پايىزىنا كارتوپ, 25 پايىزىنا كوكونىس ەگىلدى. «وسىمدىك شارۋاشىلىعىن قولداۋعا باعىتتالعان دەمەۋ قارجى مولشەرى 14 ميلليارد تەڭگەگە جەتەعابىل. شارۋاشىلىقتار تۇقىممەن, جانار-جاعارمايمەن تولىق قامتاماسىز ەتىلگەن. دالا جۇمىستارىنا 15,3 مىڭ تراكتور, 16,2 مىڭ سەيالكا, 1100-دەي سەبۋ كەشەنى, 5,8 مىڭ جۇك ءاۆتوموبيلى, 50 مىڭنان استام توپىراق وڭدەۋ تەحنيكاسى قاتىساتىن بولادى», دەيدى ماماندار. ءومىر ەسقالي. دەرەك: سولتۇستىك قازاقستان وبلىستىق اۋىل شارۋاشىلىعى باسقارماسى. سۋرەت: kaz.gazeta.kz