استانا. 27 تامىز. 16 – 22 تامىز كۇندەرى حالىق اراسىندا بۇقارالىق سپورتتى دامىتۋ مەن ناسيحاتتاۋ ماقساتىندا شۋ – تاراز – شىمكەنت – كىزىلوردا – جەزكازعان - ۇلىتاۋ باعىتىندا قازاق حاندىعىنىڭ 550 جىلدىعىنا ارنالعان جەڭىل اتلەتيكادان مارافون جۇگىرىس ۇيىمداستىرىلدى. بۇل تۋرالى egemen.kz ءتىلشىسى حابارلادى.
اتالعان مارافون «الماتى مارافونشىلار كلۋبىنىڭ» سپورتشىلارىنىڭ قاتىسۋىمەن ۇيىمداستىرىلدى. مارافونشىلار كەرەي مەن جانىبەك حانداردىڭ تۋ تىككەن جەرى دەگەن تاريحي دەرەكتەرگە سۇيەنە وتىرىپ, سپورتتىق شارانى شۋ اۋدانىنان باستادى. مارافونشىلار تولە بي اۋىلىنىڭ ورتالىق الاڭىنان باستاپ, ەستافەتالىق جۇگىرۋ تاسىلىمەن تاراز, شىمكەنت, تۇركىستان, قىزىلوردا جانە جەزقازعان قالالارى ارقىلى 22 تامىزدا ۇلىتاۋ كەنتىنە جۇگىرۋ شاراسى ارقىلى جەتەدى. 
شىمكەنت قالاسى اكىمدىگى مەن قالالىق دەنە شىنىقتىرۋ جانە سپورت ءبولىمى, بولىمگە باعىنىستى سپورت مەكەمەلەرىنىڭ سپورتشىلارى مارافونشىلاردى قازاق حاندىعىنىڭ 550 جىلدىعىنا ارناپ قويىلعان مونۋمەنت قاسىندا كۇتىپ الىپ, قالانىڭ تاريحي جەرلەرىمەن تانىستىردى.
«ماڭگىلىك ەل» يدەياسى اياسىندا قازاق حاندىعىنىڭ 550 جىلدىعىنا ارنالعان قازاق حاندىعى تۋ تىككەن ولكە, بىرلىگى مەن ىنتىماعى جاراسقان شۋاقتى شۋ جەرىنەن باستاۋ العان جەڭىل اتلەتيكادان وتكىزىلگەن مارافوننىڭ باستالۋ سالتاناتىنا, اۋداندىق ءماسليحات دەپۋتاتتارى, اۋدان اكىمدىگىنىڭ ءبولىم باسشىلارى, ۇكىمەتتىك ەمەس ۇيىمدار, اۋدانداعى ءبىلىم بەرۋ مەكەمەلەرى, باسقا دا مەكەمە قىزمەتكەرلەرى جانە اۋدان جاستارى, سونىمەن قاتار قۇرمەتتى قوناقتار مارافونشىلارمەن بىرگە وڭتۇستىك قازاقستان وبلىس شەكاراسى باسىنان تۇلكىباس اۋدانىنىڭ 60-قا جۋىق سپورتشىلارى بىرلەسىپ جۇگىرۋدى باستادى. جۇگىرۋ بارىسىندا ەرەجەگە سايكەس, جول پاترۋلدىق ەكيپاجى, مەديتسينالىق جەدەل جاردەم بريگاداسى مەن بەزەندىرىلگەن ميكرواۆتوبۋس بىرگە ءجۇرىپ وتىردى. سول كۇنى كەشكى ساعات 18.30-دا شىمكەنت قالاسى اكىمدىگى مەن قالالىق دەنە شىنىقتىرۋ جانە سپورت ءبولىمى, بولىمگە باعىنىستى سپورت مەكەمەلەرىنىڭ سپورتشىلارى مارافونشىلاردى قازاق حاندىعىنىڭ 550 جىلدىعىنا ارناپ قويىلعان مونۋمەنت قاسىندا كۇتىپ الىپ, قالانىڭ تاريحي جەرلەرىمەن تانىستىردى.
18 تامىز كۇنى تاڭعى ساعات 9.00-دە شىمكەنت قالاسىنىڭ «ناۋرىز» الاڭىندا ءىس-شاراعا قاتىسۋشى مارافونشىلارمەن قالا تۇرعىندارىنىڭ كەزدەسۋى ءوتتى. جيىندا وبلىس اكىمىنىڭ ورىنباسارى س.قانىبەكوۆ مارافون جۇگىرۋشىلەرگە مەرەكەلىك قۇتتىقتاۋىن جەتكىزىپ, جۇگىرۋ ديرەكتورى جانە كوماندا كاپيتانىنا وبلىس تۇرعىندارى اتىنان سىيلىق تابىستاپ, جارىسقا قاتىسۋشىلارعا ءساتتى ساپار تىلەدى. مارافون جۇگىرۋشىلەرمەن بىرگە قالانىڭ 100-دەن استام سپورتشىلارى بىرگە جۇگىردى.
سول كۇنى, تۇسكى ۋاقىتتا ورداباسى اۋدانى اكىمدىگى مەن دەنە شىنىقتىرۋ جانە سپورت ءبولىمى جارىسقا قاتىسۋشىلاردى اۋدان سپورتشىلارىمەن بىرلەسە كۇتىپ الىپ, قاجىمۇقان مۇڭايتپاسوۆ مۇراجايىمەن تانىستىردى. ورداباسى اۋدانى, تەمىرلان ەلدى مەكەنىنەن تۇسكى استانسوڭ مارافونشىلار جۇگىرۋ جولىن تۇركىستانعا قاراي باستادى.
مارافون جۇگىرۋشىلەر تۇركىستان قالاسىنىڭ سپورتشىلارىمەن بىرگە ق.ا.ياساۋي كەسەنەسىنە دەيىن جۇگىرىپ, سول جەردە قوناقتاردى قالا اكىمدىگى, دەنە شىنىقتىرۋ جانە سپورت ءبولىمى, سپورت سالاسىنىڭ ماماندارى ساعات 19.00-دە كۇتىپ الىپ, تۇركىستاننىڭ تاريحي جەرلەرىن كورسەتىپ, تانىستىردى. تاڭەرتەن, ياعني 19 تامىز كۇنى جۇگىرۋ سپورتشىلارىمىز قىزىلوردا وبلىسىنىڭ شەكاراسىنا قاراي مارافونشىلار جۇگىرۋدى باستادى.
2015 جىلى 19 تامىز ساعات 11.30-دا مارافون جۇگىرۋ سپورتشىلاردى قىزىلوردا وبلىسىنىڭ شەكاراسىندا وبلىستىق دەنە شىنىقتىرۋ جانە سپورت باسقارماسى, جاڭاقورعان اۋدانى اكىمدىگى مەن سپورت جانكۇيەرلەرى, كۇتىپ الدى.
قىزىلوردا وبلىسىنىڭ دەنە شىنىقتىرۋ جانە سپورت باسقارماسى قازاق حاندىعىنىڭ قۇرىلعانىنا 550 جىل تولۋىنا وراي 2015 جىلعى 16-22 تامىز ارالىعىندا ۇيىمداستىرىلعان «شۋ- ۇلىتاۋ» باعىتىنداعى مارافونىن 19 تامىز كۇنى قىزىلوردا وبلىسىنىڭ اۋماعىنان ارنايى دارىگەرلىك جانە جول-پوترۋلدىك پوليتسيا قىزمەتكەرلەرىمەن كۇتىپ الىپ, قىزىلوردا قالاسىندا سپورتتىق شارا ۇيىمداستىردى.
سونىمەن قاتار, سپورتتىق شارادا وبلىستىق دەنە شىنىقتىرۋ جانە سپورت باسقارماسىنىڭ باسشىسى س. مۇستافاەۆ پەن «وركەنيەت - قىزىلوردا» قوعامدىق قورىنىڭ توراعاسى ن. جاليەۆتەر مارافونشىلارعا ساتتىلىك تىلەي وتىرىپ 20 تامىز كۇنى مارافون كەستەسىنە سايكەس قاراعاندى وبلىسىنىڭ اۋماعىنا جەتكىزگەندىگىن حابارلايدى.
داستان كەنجالين.
دەرەك, سۋرەت: egemen.kz
