قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر ەنگىزۋ تۋرالى
قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنىڭ ودان ءارى جۇمىس ىستەۋى ماقساتىندا قاۋلى ەتەمىن:
- قازاقستان رەسپۋبليكاسى پرەزيدەنتىنىڭ كەيبىر جارلىقتارىنا ەنگىزىلەتىن وزگەرىستەر بەكىتىلسىن.
- وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
«قازاقستان رەسپۋبليكاسى پرەزيدەنتىنىڭ
كەيبىر جارلىقتارىنا وزگەرىستەر ەنگىزۋ تۋرالى»
قازاقستان رەسپۋبليكاسى پرەزيدەنتىنىڭ
2015 جىلعى 25 تامىزداعى № 73 جارلىعىنا
تۇسىندىرمە
مەملەكەت باسشىسىنىڭ «قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر ەنگىزۋ تۋرالى» 2015 جىلعى 25 تامىزداعى № 73 جارلىعى «قازاقستان-2050» ستراتەگياسى مەن الەمنىڭ ەڭ دامىعان 30 ەلىنىڭ قاتارىنا كىرۋ جونىندەگى تۇجىرىمداماسىندا بەلگىلەنگەن جاڭا باسىمدىقتاردى ەسكەرە وتىرىپ, قولدانىستاعى ەلدى اۋماقتىق-كەڭىستىكتە دامىتۋدىڭ 2020 جىلعا دەيىنگى بولجامدى سحەماسىن جاڭارتىپ, وزەكتەندىرۋگە باعىتتالعان. اتاپ ايتقاندا, بولجامدى سحەمانىڭ قۇرىلىمى مەن فورماتى قايتا قاراستىرىلعان, وڭىرلەردى جىكتەۋدىڭ ەكونوميكالىق ماماندانۋ, قونىستاندىرۋ جۇيەسى, نارىقتىق بايلانىستار سيپاتىنىڭ ولشەمدەرىنە نەگىزدەلگەن جاڭا ءتاسىلى ايقىندالعان. وزگەرىستەرگە سايكەس بولجامدى سحەما – بۇل وڭىرلىك دامۋىنىڭ جالپى پايىمىن كورسەتەتىن 2020 جىلعا دەيىنگى تۇجىرىمدامالىق قۇجات. بولجامدى سحەما مەملەكەتتىك باسقارۋ جۇيەسىنىڭ ساتىلاس باعىنىڭقى قۇجاتتارى ارقىلى ىسكە اسىرىلاتىن بولادى. قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعى
