ورىمدەي ونەرلى ورەن

مەكتەپ – بالانىڭ ءورىسىن كەڭەيتىپ, ءومىر كەتىگىن تاۋىپ كىرپىشتەي قالانۋىنا سەپتىگىن تيگىزەتىن باسپالداق. ال بالانىڭ قارىم-قابىلەتى, ونەر-ونەگەسى مەكتەپ قابىرعاسىندا جۇرگەن كەزدەن-اق بايقالادى. تالابىمەن, تالانتىمەن تالايدى ءتانتى ەتىپ جۇرگەن ينديرا قوجانتايدىڭ ونەرگە دەگەن سۇيىسپەنشىلىگى ەرەكشە. ونەر دەسە ىشكەن اسىن جەرگە قوياتىن ول بولاشاعىنان كوپ ءۇمىت كۇتتىرەدى. ينديرا بۇگىنگى كۇنى ۇلىتاۋ اۋدانىنا قاراستى № 9 تەرىساققان ورتا مەكتەبىنىڭ 6-سىنىپ وقۋشىسى. ءاندى اۋەلەتىپ شىرقايتىن ءان­شى قىزىمىز مەكتەبىمىزدىڭ ماق­تانىشىنا اي­نالعان. اياداي ءبىلىم ۇياسىنىڭ جاق­سى اتىن شىعارىپ, ابىرويىن اسقاقتاتىپ وتىر. وسىدان ءۇش جىل بۇرىن ينديرا اۋداندىق «ءانشى بالاپان» بايقاۋىنىڭ باس جۇلدەسىن جەڭىپ الىپ, ءى دارەجەلى ديپلوممەن ماراپاتتالدى. بىلتىر الماتى قالاسىندا ءوت­كەن ءVى حالىقارالىق «عۇمىر داريا» ءان-بي باي­قاۋىندا  «ەس­ترادالىق ۆوكال» نوميناتسياسى بويىنشا ءى ديپ­لومعا يە بولدى. جۋىردا عا­­نا قا­زاق­­­­ستان رەس­پۋبليكاسى كىشى عى­لىم اكا­دە­ميا­سى­نىڭ قا­راعاندى قا­لا­سىندا بول­عان 45-ءشى عىلىمي-پراكتيكالىق  كونفەرەنتسيا­سىن­دا دا وزىقتار قاتارىنان تابىلدى. وقۋ مەن ونەردى قاتار ۇشتاس­تىرا بىلگەن ينديرا ءار ىسكە جاۋاپ­كەرشىلىكپەن قارايدى. قازاقتىڭ قىزىنا ءتان جاقسى قاسيەتتەر ونىڭ بويىندا كوپ. مەكتەبىمىزدە 57 بالا ءبىلىم الۋدا. سولاردىڭ ءبىرى –  ينديرا. ول انشىلىك ونەر اجەسىنەن دارىعانىن ماقتانىشپەن ايتادى. «بۇل ونەر ماعان اجەم ءسابيرا عالى­قىزىنان دارىعان بولار. اجەم سىزىلتىپ ءان شىرقاعاندا كوپشىلىك ءسۇيسىنىپ تىندايدى ەكەن. ال ەسەپكە بەيىمدىلىگىم  اتامنان بەرىلگەن بولار. اتام سوعىس ارداگەرى. ول كىسىنىڭ كوپتەگەن وردەن, مەدالدارىن كوزدىڭ قاراشىعىنداي ساقتاپ وتىرمىز. اتاممەن ماقتانامىز دا» دەيدى ينديرا. ايعانىم بەيسەمباەۆا, №9 تەرىساققان ورتا مەكتەبىنىڭ باستاۋىش سىنىپ مۇعالىمى. قاراعاندى وبلىسى.