كەشە ماسكەۋدە, ناقتىلاي ايتقاندا, رەسەي سىرتقى ىستەر مينيسترلىگىنىڭ مەملەكەتتىك قابىلداۋ ۇيىندە ورىس جازۋشىسى سەرگەي پلەحانوۆتىڭ قازاقستان پرەزيدەنتى نۇرسۇلتان نازارباەۆ تۋرالى جازعان «جىبەكتەي ەسىلمەگەن جول» («نە ششەلكوۆىي پۋت») اتتى كىتابىنىڭ تۇساۋكەسەرى ءوتتى. ءحىح عاسىردا تۇرعىزىلعان, ماسكەۋدەگى تاريحي-مادەني ەسكەرتكىشتەردىڭ ءبىرى سانالاتىن ءزاۋلىم سارايدا ۇيىمداستىرىلعان بۇل سالتاناتتى شاراعا بەلگىلى مەملەكەت جانە قوعام قايراتكەرلەرى, ساياساتكەرلەر مەن زيالى قاۋىم وكىلدەرى قاتىستى.
ەلباسىنىڭ ءومىر جولىنا ارنالعان كىتاپتىڭ تۇساۋكەسەر راسىمىندە نۇرسۇلتان نازارباەۆتىڭ تۇلعالىق قاسيەتتەرىنە قاتىستى كوڭىل تولقىتار, تالايعا وي سالار اڭگىمەلەر ايتىلدى. سونداي-اق, ەڭبەكتى جازۋ بارىسىندا اۆتوردىڭ تالماي, ايانباي تەر توككەنى, كەيىپكەرىن سومداردا ادالدىقتان اتتاماي, شىندىقتى تۋ ەتىپ ۇستاي بىلگەنى دە كەڭىنەن ءسوز ەتىلدى.
تاراتا ايتار بولساق, ايتۋلى جيىنعا ارنايى قاتىسقان رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ قازاقستان پرەزيدەنتىنە دەگەن ىستىق ىقىلاسقا تولى لەبىزىن بىلدىرە كەلىپ, «جىبەكتەي ەسىلمەگەن جول» كىتابىنىڭ ماڭىزدىلىعىنا, جازۋشىنىڭ ءوز كەيىپكەرىنىڭ بولمىس-ءبىتىمىن, سان-سالالى ەڭبەگىن, قايراتكەرلىك قاسيەتىن, ءوز ەلىن ورگە سۇيرەۋدە تاباندىلىق كورسەتىپ كەلە جاتقانىن, قارىم-قابىلەتىن, ەرىك-جىگەرىن, ادامي جان دۇنيەسىن كوركەم تىلمەن جەتكىزە بىلگەنىنە توقتالدى.
سونداي-اق, جيىنعا قاتىسقاندار اراسىندا رەسەي جازۋشىلار وداعى ماسكەۋ قالالىق باسقارماسىنىڭ توراعاسى, جازۋشىلاردىڭ حالىقارالىق قاۋىمداستىعى اتقارۋ كوميتەتىنىڭ ءبىرىنشى حاتشىسى ۆلاديمير بويارينوۆ, م.ۆ.لومونوسوۆ اتىنداعى ءماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچي, كسرو-نىڭ حالىق ءارتىسى ارمەن دجيگارحانيان, ازەربايجان كسر-ءىنىڭ حالىق ءارتىسى, اتالعان رەسپۋبليكانىڭ رەسەيدەگى ەلشىسى پولاد بيۋلبيۋلوعلى, بەلگىلى ساياساتتانۋشى ماكسيم شەۆچەنكو, قازاقستاننىڭ رەسەيدەگى ەلشىسى مارات ءتاجين, «نازارباەۆ ورتالىعى» كوپسالالى عىلىمي-تالداۋ جانە گۋمانيتارلىق-اعارتۋ مەملەكەتتىك مەكەمەسىنىڭ ديرەكتورى قانات ساۋداباەۆ جانە تاعى باسقالار نۇرسۇلتان نازارباەۆ جونىندە جانە «ءجىبەكتەي ەسىلمەگەن جول» كىتابىنا قاتىستى ءوز ويلارىن ورتاعا سالدى.
جيىن سوڭىندا بارلىق قاتىسۋشىلار ەلباسىنا ارنالعان ەرەن ەڭبەك – «جىبەكتەي ەسىلمەگەن جول» كىتابى قالىڭ وقىرماننىڭ ءسۇيىپ وقيتىن دۇنيەسىنە اينالاتىنىنا سەنىم ءبىلدىردى. ويتكەنى, الەمدىك دەڭگەيدەگى تۇلعا – نۇرسۇلتان نازارباەۆتىڭ ءومىر جولىنان الار ۇلگى-ونەگە مول ەكەنىن تالايلار بىلەدى.
ايتا كەتەيىك, ءبىز ماسكەۋدەگى اتالعان جيىن استانا ۋاقىتىمەن وتە كەش وتكەندىكتەن, ول تۋرالى قىسقاشا باياندادىق. بۇل تۋرالى كەڭىنەن جازىلعان ماقالانى ەرتەڭ وقيتىن بولاسىزدار.
جاقسىباي سامرات,
«ەگەمەن قازاقستان» – ماسكەۋدەن.
ەلباسىنىڭ ءومىر جولىنا ارنالعان كىتاپتىڭ تۇساۋكەسەر راسىمىندە نۇرسۇلتان نازارباەۆتىڭ تۇلعالىق قاسيەتتەرىنە قاتىستى كوڭىل تولقىتار, تالايعا وي سالار اڭگىمەلەر ايتىلدى. سونداي-اق, ەڭبەكتى جازۋ بارىسىندا اۆتوردىڭ تالماي, ايانباي تەر توككەنى, كەيىپكەرىن سومداردا ادالدىقتان اتتاماي, شىندىقتى تۋ ەتىپ ۇستاي بىلگەنى دە كەڭىنەن ءسوز ەتىلدى.
تاراتا ايتار بولساق, ايتۋلى جيىنعا ارنايى قاتىسقان رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ قازاقستان پرەزيدەنتىنە دەگەن ىستىق ىقىلاسقا تولى لەبىزىن بىلدىرە كەلىپ, «جىبەكتەي ەسىلمەگەن جول» كىتابىنىڭ ماڭىزدىلىعىنا, جازۋشىنىڭ ءوز كەيىپكەرىنىڭ بولمىس-ءبىتىمىن, سان-سالالى ەڭبەگىن, قايراتكەرلىك قاسيەتىن, ءوز ەلىن ورگە سۇيرەۋدە تاباندىلىق كورسەتىپ كەلە جاتقانىن, قارىم-قابىلەتىن, ەرىك-جىگەرىن, ادامي جان دۇنيەسىن كوركەم تىلمەن جەتكىزە بىلگەنىنە توقتالدى.
سونداي-اق, جيىنعا قاتىسقاندار اراسىندا رەسەي جازۋشىلار وداعى ماسكەۋ قالالىق باسقارماسىنىڭ توراعاسى, جازۋشىلاردىڭ حالىقارالىق قاۋىمداستىعى اتقارۋ كوميتەتىنىڭ ءبىرىنشى حاتشىسى ۆلاديمير بويارينوۆ, م.ۆ.لومونوسوۆ اتىنداعى ءماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچي, كسرو-نىڭ حالىق ءارتىسى ارمەن دجيگارحانيان, ازەربايجان كسر-ءىنىڭ حالىق ءارتىسى, اتالعان رەسپۋبليكانىڭ رەسەيدەگى ەلشىسى پولاد بيۋلبيۋلوعلى, بەلگىلى ساياساتتانۋشى ماكسيم شەۆچەنكو, قازاقستاننىڭ رەسەيدەگى ەلشىسى مارات ءتاجين, «نازارباەۆ ورتالىعى» كوپسالالى عىلىمي-تالداۋ جانە گۋمانيتارلىق-اعارتۋ مەملەكەتتىك مەكەمەسىنىڭ ديرەكتورى قانات ساۋداباەۆ جانە تاعى باسقالار نۇرسۇلتان نازارباەۆ جونىندە جانە «ءجىبەكتەي ەسىلمەگەن جول» كىتابىنا قاتىستى ءوز ويلارىن ورتاعا سالدى.
جيىن سوڭىندا بارلىق قاتىسۋشىلار ەلباسىنا ارنالعان ەرەن ەڭبەك – «جىبەكتەي ەسىلمەگەن جول» كىتابى قالىڭ وقىرماننىڭ ءسۇيىپ وقيتىن دۇنيەسىنە اينالاتىنىنا سەنىم ءبىلدىردى. ويتكەنى, الەمدىك دەڭگەيدەگى تۇلعا – نۇرسۇلتان نازارباەۆتىڭ ءومىر جولىنان الار ۇلگى-ونەگە مول ەكەنىن تالايلار بىلەدى.
ايتا كەتەيىك, ءبىز ماسكەۋدەگى اتالعان جيىن استانا ۋاقىتىمەن وتە كەش وتكەندىكتەن, ول تۋرالى قىسقاشا باياندادىق. بۇل تۋرالى كەڭىنەن جازىلعان ماقالانى ەرتەڭ وقيتىن بولاسىزدار.
جاقسىباي سامرات,
«ەگەمەن قازاقستان» – ماسكەۋدەن.
