ورتەنگەن «ادەم» ساۋدا ورتالىعىنىڭ شىعىنى انىقتالدى

الماتى. 19 مامىر. «ادەم» ساۋدا ورتالىعىنىڭ ورتتەن كەيىنگى شىعىنى كولەمى 5,3 ميلليارد تەڭگەگە باعالاندى. جۋرناليستەرمەن وتكىزگەن ءباسپاسوز ءماسليحاتىندا «ەۆرازيا» ساقتاندىرۋ كومپانياسى اكتسيونەرلىك قوعامى باسقارماسىنىڭ توراعاسى بوريس ۋمانوۆ وسىنداي مالىمدەمە جاسادى. بۇل تۋرالى egemen.kz حابارلادى. الايدا, عيماراتتىڭ ورتەنگەن بولىگىنىڭ شىعىن قۇنى ماۋسىم ايىندا بەلگىلى بولادى. ءورت جالىنى 25 مىڭ شارشى مەتردى قامتىعان. باس ساقتاندىرۋشى انىقتالعان بارلىق شىعىن سوماسىنىڭ 900 ميلليونى وندىرىستەگى ءۇزىلىس ءۇشىن تولەنەدى, دەدى. جالپى سومانىڭ جىل بويى بەرىلەتىنىن ەسكەرتكەن ساقتاندىرۋشى, ونىڭ وزىندە دە قاراجات تەك قانا عيمارات ءۇشىن اۋدارىلاتىنىن ەسكەرتتى. مۇنىڭ ىشىنە عيماراتتى جالعا الۋشىلاردىڭ ورتەنگەن تاۋارلارى كىرگەن جوق. بوريس ۋمانوۆ: «ءبىزدىڭ كومپانياعا وسى ءورت بولاردىڭ الدىندا عانا بىرنەشە ادام كەلىپ, تاۋارلارىن ساقتاندىرعان. بارلىعى – جەتى ادام, ءبىز سولارعا تيەسىلى 10 ميلليون شىعىندى جابامىز» دەدى. تالعات ءسۇيىنباي. دەرەك, سۋرەت: egemen.kz.