برۋنەي-دارۋسسالام استاناسى – باندار-سەري-بەگاۆان قالاسىندا بۇۇ قاۋىپسىزدىك كەڭەسىنە قازاقستاننىڭ كانديداتۋراسىن ىلگەرىلەتۋ جونىندەگى ەلباسىنىڭ ارنايى وكىلى – سىرتقى ىستەر ءمينيسترىنىڭ ورىنباسارى اسقار مۋسينوۆ سۇلتاناتتىڭ سىرتقى ىستەر جانە ساۋدا ءمينيسترى, حانزادا موحامەد بولكياحپەن كەلىسسوز جۇرگىزدى.
ا. مۋسينوۆ بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشەلىككە قازاقستاننىڭ كانديداتۋراسىن قولداۋ بويىنشا پرەزيدەنت ن.ءا.نازارباەۆتىڭ برۋنەي سۇلتانى حاسسانال بولكياحقا جولداعان جەكە حاتىن تابىستاپ, قازاقستان سايلانعان جاعدايدا, بەيبىتشىلىك پەن قاۋىپسىزدىكتى, ادام قۇقىعىن, زاڭ ۇستەمدىگىن جانە تۇراقتى دامۋدى نىعايتۋعا بار كۇش-جىگەرىن سالاتىنىن حابارلادى.
كەزدەسۋ بارىسىندا قازاقستاندىق ديپلومات قازاقستان باستاماسىمەن يسلام ىنتىماقتاستىعى ۇيىمى (يىۇ) شەڭبەرىندە قۇرىلعالى وتىرعان ازىق-ت ۇلىك قاۋىپسىزدىگى جونىندەگى يسلام ۇيىمىنا (اقيۇ) برۋنەيدىڭ جاقىن ارادا قوسىلاتىنىنا سەنىم ءبىلدىردى.
«باندار-سەري-بەگاۆاننىڭ اقيۇ جۇمىسىنا قوسىلۋى يىۇ كەڭىستىگىندەگى جانە جالپى الەم بويىنشا ازىق-ت ۇلىك قاۋىپسىزدىگىنىڭ وزەكتى ماسەلەلەرىن شەشۋ جولىندا جاڭا مۇمكىندىكتەر اشادى», – دەپ ويىمەن ءبولىستى ا.مۋسينوۆ.
برۋنەي-دارۋسسالام سىرتقى جانە ساۋدا ءمينيسترى قازاقستان تاراپىنىڭ وتىنىشتەرى مۇقيات زەرتتەلەتىنىنە سەندىرىپ, ەلىمىزبەن ىقپالداستىقتى, سونىڭ ىشىندە كوپجاقتى پىشىمدە دامىتۋعا مۇددەلى ەكەنىن جەتكىزدى.
سول كۇنى ا.مۋسينوۆ برۋنەي-دارۋسسالام سىرتقى جانە ساۋدا ەكىنشى ءمينيسترى ليم دجوك سەنگپەن كەزدەسىپ, قازاقستان مەن برۋنەي اراسىنداعى ەكىجاقتى ىنتىماقتاستىقتى بەلسەندىلەندىرۋ جولدارى مەن مۇمكىندىكتەرىن تالقىلادى.
ا.مۋسينوۆ قازاقستانداعى ساياسي جانە الەۋمەتتىك-ەكونوميكالىق جاعداي جانە ەلىمىزدىڭ حالىقارالىق باستامالارى تۋرالى بايانداپ بەردى.
ليم دجوك سەنگ قازاقستاننىڭ تاۋەلسىزدىك العالى بەرى قول جەتكىزگەن تابىستارىنا جوعارى باعا بەرىپ, ارنايى وكىلدىڭ برۋنەيگە ساپارمەن كەلگەنىنە العىسىن ءبىلدىردى, بۇل ساپار قازاقستاننىڭ بۇۇ قاۋىپسىزدىك كەڭەسىنە مۇشە بولۋعا زور نيەتىن تانىتاتىنىن اتاپ ءوتتى.
«ەگەمەن-اقپارات».
