قازاقستاندىق مودەل ءوڭىر ەلدەرى ءۇشىن ۇلگى

قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاتسيالار قىزمەتىندە «قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جۇمىسى» تاقىرىبىندا بريفينگ ءوتتى. وعان مەملەكەتتىك باسقارۋ اكا­دە­مياسىنىڭ ۆيتسە-رەكتورى شولپان ەسىموۆا, ورتالىق ازيا وڭىرىندەگى ەتنوس­ارالىق جانە كونفەسسياارالىق قاتى­ناستاردى زەرتتەۋ ورتالىعىنىڭ جەتەكشىسى ايگۇل سادۋاقاسوۆا, «دەس­ترۋكتيۆتى ءدىني اعىمداردان زارداپ شەككەندەرگە كومەك كورسەتۋ ورتالىعى» قوعامدىق قورىنىڭ پرەزيدەنتى يۋليا دەنيسەنكو قاتىستى. 2011 جىلى قۇرىلعان ورتا­لىق­تىڭ جەتەكشىسى ايگۇل ءسادۋا­قاسوۆا ءوز سوزىندە ورتالىق ازيا وڭىرىندەگى ەتنوسارالىق جانە كون­فەس­سياارالىق قاتىناستاردى زەرتتەۋ ورتالىعىنىڭ الداعى ۋاقىت­تا مەملەكەتتىك ەتنوساياساتتى ىسكە اسىرۋ جانە قازاقستانداعى ەتنوكون­فەسسيالىق قاتىناستاردى رەتتەۋ ماسەلەلەرى بو­يىنشا ءبىلىم بەرۋ ءىس-شارالارىن وتكىزۋدى نازاردا ۇستاي­تىنىن اتاپ ءوتتى. «سونداي-اق, بۇل ورتالىق ەتنوسارالىق جانە تو­لە­رانتتىلىق پەن قوعام­دىق كەلىسىمنىڭ قازاقستاندىق مودە­لىن نىعايتۋ مەن دامىتۋ ءجو­نىن­دەگى ستراتەگيالىق تۇجىرىم­دامانى ازىرلەۋمەن, قازاقستان­نىڭ ەتنوس­ارالىق جانە كونفەس­سيا­ارالىق قاتى­ناستارى بويىنشا عىلىمي-زەرتتەۋ با­زا­سىن قالىپ­تاستىرۋمەن اينالىساتىن بولادى», – دەدى ول ءوز سوزىندە. شولپان ەسىموۆا ەلباسى «نۇر وتان» پارتياسىنىڭ XVI سەزىندە بەس حالىقتىق رەفورمانى ىسكە اسىرۋدا اكادەميانىڭ ءرولى ايرىقشا ەكەنىنە توقتالدى. «مەملەكەتتىك قىزمەتتى كاسىبيلەندىرۋ كادرلاردى وقىتۋ جۇيەسىنە تىكەلەي بايلانىستى. مەملەكەتتىك باسقارۋ اكادەمياسى ەلىمىز ءۇشىن باسقارۋشى كادرلاردى دايىنداۋدا نەگىزگى ءرول اتقارىپ وتىر. اكادەميانىڭ 2020 جىلعا دەيىنگى دامۋ ستراتەگياسىندا ەلىمىزدى تابىسقا جەتەلەيتىن باسقارۋشى كادرلاردىڭ نەگىزگى بۋىنىن ساپالى دايىنداۋ ماقساتىنا باسا نازار اۋدارىلعان», – دەدى ش.ەسىموۆا. بريفينگكە قاتىسۋشىلار اتالعان ورتالىق اياسىندا ەت­نوس­ارالىق جانە كون­فەسسياارالىق قاتىناستار سالاسىنداعى عىلى­مي-زەرتتەۋلەردى ۇيلەستىرۋ, ەتنو­ساياساتتىڭ وزەكتى باعىتتارى بويىنشا اسسامبلەيانىڭ قىزمەتىن عىلىمي-ساراپتامالىق تۇرعىدا قامتاماسىز ەتۋ جۇزەگە اسىرىلىپ جاتقانىن جەتكىزدى. بۇگىندە ورتالىقتىڭ جۇمىسىنا وتاندىق, سونداي-اق, وڭتۇستىك كورەيا, قى­تاي, بولگاريا, يسپانيا, رەسەي, ۋك­راينا, وزبەكستان, قىرعىزستان سەكىلدى ەلدەردەن ساراپشىلار ارنايى شاقىرىلادى ەكەن. ءتۇرلى حالىق­ارالىق ۇيىمدارمەن دە تىعىز ىن­تى­ماقتاستىق ورناتىلعان. الداعى ۋا­قىتتا ورتالىق ماماندارى اس­تانا, اقتوبە, ورال, پەتروپاۆل مەن تالدىقورعان قالا­لارىندا 5 سەمينار وتكىزۋدى كوزدەپ وتىرعان كورىنەدى. ءلايلا ەدىلقىزى, «ەگەمەن قازاقستان».