استاناعا اسكەري قۋاتتى تەحنيكالار جەتكىزىلدى

الماتى. 31 ناۋرىز. الماتىدان ەشەلونعا تيەلگەن ارنايى اسكەري تەحنيكا استاناعا جەتكىزىلدى. شىنجىر تاباندى جاۋىنگەرلىك تەحنيكالار مەن اۆتوكولىكتەر ەلىمىزدىڭ باس قالاسىندا جەڭىستىڭ 70 جىلدىعىنا ارنالعان شەرۋگە قاتىستىرىلادى. بۇل تۋرالى BNews.kz حابارلادى. سونداي-اق, تەحنيكامەن بىرگە كەلگەن جاۋىنگەرلىك قۇرام دالالىق لاگەرگە جايعاستى. اسكەري باس كومەنداتۋرانىڭ كومەندانتى پولكوۆنيك قوجابەك تورەمانوۆ تەحنيكالاردى تاسىمالداۋ مەن ورنالاستىرۋدىڭ كاسىبي ەرەكشەلىكتەرىنە توقتالاپ كەلىپ: «استاناعا بارلىعى 400 اسكەر تەحنيكا مەن 1000 جاۋىنگەر كەلىپ ءتۇستى» دەدى. ءىس-قيمىل بارىسىندا جولاۋشىلار پويىزىنىڭ ءجۇرىپ-تۇرۋىنا ەش كەدەرگى كەلتىرىلمەگەن. مۇنداي ءىرى اسكەر توبىنىڭ ورىن اۋىستىرۋ جاۋىنگەرلىك جاتتىعۋ ساناتىنا جاتقىزىلادى. نەگىزگى شاراعا قاتىستى پولكوۆنيك تورەمانوۆ: «قانشا دەگەنمەن استانادا ۇلكەن مەرەيتوي وتكەلى تۇر. سول سەبەپتى دە, بۇل شەرۋدە سوعىس كەزىندە حالىق جەڭىس كۇنىن تەزدەتكەن اتاقتى «كاتيۋشالار» مەن ت-34 تانكىلەرىنى ناق ءوزىن دە كورەتىن بولادى» دەدى. سوعىس جىلارىنداعى اسكەري تەحنيكالار سەمەي قالاسىنداعى ارنايى زاۋىتتا قايتا جوندەلىپ شىققان. كەشە ءتۇن جامىلا استاناعا 300-گە جۋىق اەروۇتقىر كۇشتەرىنىڭ جاۋىنگەرلەرى كەلدى. تالعات ءسۇيىنباي. دەرەك, سۋرەت: BNews.kz.