قاراعاندىلىق ستۋدەنت بايلانىس وپەراتورىنا 310 مىڭ تەڭگە قارىز بولدى

استانا. 31 ناۋرىز. جاڭا جىل قارساڭىندا قاراعاندىلىق ستۋدەنت ءليميتسىز ينتەرنەت جەلىسىن تۇتىنامىن دەپ ۇيالى بايلانىس وپەراتورلارىنا 310 مىڭ تەڭگە قارىز بولىپ قالدى. بۇل تۋرالى nv.kz حابارلادى. تارقاتا ايتساق, ستۋدەنت اعاسىنان سىيلىققا «سيم-كارتا» الىپ, ينتەرنەتتى تۋرا ءبىر اي پايدالانعان. باسىندا جەلى وپەراتورلارى «نومىرگە ەكى مىڭ بىرلىك جۇكتەسەڭ بولدى, قاجەتىڭشە تۇتىناسىڭ», دەپ سەندىرگەن. الايدا, ستۋدەنتتىڭ ۇيىنە «ءسىزدىڭ ۇيالى بايلانىس كومپانياسىنا قارىزىڭىز 260 مىڭ» دەگەن حابارلاما كەلەدى. ءمان-جايدى انىقتاۋ ماقساتىندا وپەراتورعا جولىققان جىگىت ەكى كۇننىڭ ىشىندە قارىزى 310 مىڭ تەڭگەگە دەيىن وسكەنىن بىلەدى. ستۋدەنتتىڭ اناسى باقىت جاكەنوۆا قالاداعى تۇتىنۋشىلار قۇقىعىن قورعاۋ ورتالىعىنا شاعىم ءتۇسىردى. ءمان-جايدى انىقتاۋ ماقساتىندا ورتالىق باسشىسى جاسۇلان ايتماعانبەتوۆ ۇيالى بايلانىس وپەراتورلارىمەن حابارلاساتىنىن ايتتى. سونداي-اق, ستۋدەنتتىڭ اكەسى ەربول جاكەنوۆ قورعاۋشىلاردىڭ كومەگىنە جۇگىنىپ وتىر. ازىرگە قورعاۋشىلار ۇيالى بايلانىس وپرەاتورلارىنىڭ الداعى ارەكەتىن كۇت دەگەن كەڭەس بەردى. «ەگەر ولار جىگىتتى سوتقا بەرسە, وندا وقيعانىڭ سەبەپ-سالدارى انىقتالاتىن بولادى. جان-جاقتى تەكسەرىستەن كەيىن ۇيالى بايلانىس كومپانياسى ءوز قاتەلىكتەرىن تۇسىنەدى», – دەيدى قورعاۋشىلار. ەربول جاكەنوۆ: «مەنىڭ ولارعا بەرەتىن اقشام جوق. مەيلى سوتقا بەرسىن, مۇلكىمدى تاركىلەسىن ءبارىبىر 310 مىڭ تەڭگە تولەي المايمىن. ۇلىم ستۋدەنت. ونىڭ جولاقىسىن زورعا تاۋىپ بەرىپ وتىرمىن», – دەيدى. تالعات رايىمبەك. دەرەك; nv.kz. سۋرەت: all.biz.