تابيعات – انا, جەر – انا دەپ جاتامىز, سۇلۋلىق پەن اسەمدىكتىڭ سيمۆولى تاعى دا سول نازىك جاراتىلىس يەلەرى, ارۋلار بولىپ تابىلادى. بىراق مۇنى كىم قالاي دالەلدەپ ءجۇر, ماسەلە وسىندا. مىسالى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تاماشا ءبىر ءداستۇردىڭ قالىپتاسقانىنا كۋا بولدىق.
تۇركولوگ عالىمنىڭ ەسىمىن يەلەنگەن وقۋ ورنىندا قىز-كەلىنشەكتەرگە دەگەن سۇيىسپەنشىلىك پەن قۇرمەت ەرەكشە رۋحتا, انمەن جەتكىزىلدى. ياپىر-اي, جۇرەكتىڭ ءلۇپىلىن, ويماقتاي ىڭكار سەزىمدى ءان-اۋەنىنەن اسەرلى ءورىپ بەرە الاتىن دۇنيەدە تاعى قانداي قۇدىرەتتى كۇش بار شىركىن, دەرسىڭ. سۇلۋلىق, كوركەمدىك دەگەندە جۇرەكتىڭ نوسەردەي توگىلىپ سالا بەرەتىن كەرەمەت شاعىن سۋرەتتەۋ استە مۇمكىن ەمەس دەسەك, ماحاببات جىرىندا ءتىل دە, ءدىل دە بولىنبەيتىن ءبىرتۇتاس ورگانيزمگە اينالىپ كەتەتىنى قانداي عانيبەت! ويتكەنى, ءان الەمىندە, جالپى ونەر اتاۋلىدا حالىق پەن حالىقتىڭ اراسىنا سىنا قاعۋ, بولە-جارۋ دەگەندەر مۇلدەم كەزدەسپەيدى. عاشىقتار سەزىمىن جىرلاعان بۇكىل حالىقتىڭ رۋحاني قۇندىلىعى بارىنە بىردەي قىمبات سانالادى. ادامزاتتىڭ ورتاق يگىلىگى رەتىندە جۇمسالىپ, شولىركەگەن كەۋدەگە ءنار تامىزعان سونداي ءىنجۋ-مارجانداردى ءوز باعدارلاماسىنا توپتاستىرىپ, جۇرەگىنەن ءان قاناتىن قالىقتاتقان ءانشى كەنجەعالي مىرجىقبايدىڭ كونتسەرتىنەن اسىرەسە, ارۋلاردىڭ ءجۇزى الاۋلاپ, اجارلى نۇرعا بولەنىپ شىقتى.
«كاۋسار» مادەني-تانىمدىق بىرلەستىگىنىڭ جەتەكشىسى, قازاقستاننىڭ ەڭبەك سىڭىرگەن ءارتىسى, پروفەسسور كەنجەعالي مىرجىقباي تاقىرىپسىز, دايىندىقسىز كوپتىڭ الدىنا شىعا سالاتىن انشىلەر ساناتىنان ەمەس. ونىڭ اباي, پۋشكين رۋحىنا لايىقتالعان ءان كەشتەرى ءانشى دەڭگەيىن بيىككە كوتەرىپ تاستاعان ءىرى-ءىرى جوبالار دەسەك, ال جىل قۇستارىنىڭ اسەم قاناتىمەن كوكتەمدە جەتەتىن سۇلۋ سازدارى ءوز الدىنا ءبىر بولەك تارتۋلار ەدى. باشقۇرت كومپوزيتورى ز.يسماگيلوۆتىڭ «كوكتەم ءانى», م.گلينكانىڭ «جەڭىمپاز», بيكسيونىڭ «جانارىڭ نەگە جاسقاندى؟», ا.جۇبانوۆتىڭ «قارلىعاش», چيارانىڭ «بولەرو», گ.سۆيريدوۆتىڭ «ماريتانا», ءا.مولداعاينوۆتىڭ «اققۋىم, ۇمىتپا مەنى», ب.قوقامانوۆتىڭ «جۇرەگىم جۇرەگىڭدە», ا. بابادجانياننىڭ «نوكتيۋرن», ابايدىڭ «ايتتىم سالەم, قالامقاس» اندەرىنە قوسا ونىڭ ورىنداۋىنداعى ورىستىڭ ەجەلگى رومانستارىنىڭ ءوزى باسقا بىردە-ءبىر داۋىستى قايتالاماي, وزىنە عانا ءتان ءۇن بوياۋىمەن شىرقالدى. اناعا, ارۋعا ارنالعان اندەر جۇرەكتەن تالماي قانات قاقتى. اسەمدىكتى, ادەمىلىكتى ءسۇيۋدىڭ نەبىر كەرەمەت ۇلگىلەرىنە كاۋسار جىردىڭ الابى تۇنىپ تۇر ەكەن-اۋ...
قاراشاش امزەقىزى.
سۋرەتتە: ك.مىرجىقبايدىڭ ءان كەشى.
سۋرەتتى تۇسىرگەن
ەرلان وماروۆ.
تۇركولوگ عالىمنىڭ ەسىمىن يەلەنگەن وقۋ ورنىندا قىز-كەلىنشەكتەرگە دەگەن سۇيىسپەنشىلىك پەن قۇرمەت ەرەكشە رۋحتا, انمەن جەتكىزىلدى. ياپىر-اي, جۇرەكتىڭ ءلۇپىلىن, ويماقتاي ىڭكار سەزىمدى ءان-اۋەنىنەن اسەرلى ءورىپ بەرە الاتىن دۇنيەدە تاعى قانداي قۇدىرەتتى كۇش بار شىركىن, دەرسىڭ. سۇلۋلىق, كوركەمدىك دەگەندە جۇرەكتىڭ نوسەردەي توگىلىپ سالا بەرەتىن كەرەمەت شاعىن سۋرەتتەۋ استە مۇمكىن ەمەس دەسەك, ماحاببات جىرىندا ءتىل دە, ءدىل دە بولىنبەيتىن ءبىرتۇتاس ورگانيزمگە اينالىپ كەتەتىنى قانداي عانيبەت! ويتكەنى, ءان الەمىندە, جالپى ونەر اتاۋلىدا حالىق پەن حالىقتىڭ اراسىنا سىنا قاعۋ, بولە-جارۋ دەگەندەر مۇلدەم كەزدەسپەيدى. عاشىقتار سەزىمىن جىرلاعان بۇكىل حالىقتىڭ رۋحاني قۇندىلىعى بارىنە بىردەي قىمبات سانالادى. ادامزاتتىڭ ورتاق يگىلىگى رەتىندە جۇمسالىپ, شولىركەگەن كەۋدەگە ءنار تامىزعان سونداي ءىنجۋ-مارجانداردى ءوز باعدارلاماسىنا توپتاستىرىپ, جۇرەگىنەن ءان قاناتىن قالىقتاتقان ءانشى كەنجەعالي مىرجىقبايدىڭ كونتسەرتىنەن اسىرەسە, ارۋلاردىڭ ءجۇزى الاۋلاپ, اجارلى نۇرعا بولەنىپ شىقتى.
«كاۋسار» مادەني-تانىمدىق بىرلەستىگىنىڭ جەتەكشىسى, قازاقستاننىڭ ەڭبەك سىڭىرگەن ءارتىسى, پروفەسسور كەنجەعالي مىرجىقباي تاقىرىپسىز, دايىندىقسىز كوپتىڭ الدىنا شىعا سالاتىن انشىلەر ساناتىنان ەمەس. ونىڭ اباي, پۋشكين رۋحىنا لايىقتالعان ءان كەشتەرى ءانشى دەڭگەيىن بيىككە كوتەرىپ تاستاعان ءىرى-ءىرى جوبالار دەسەك, ال جىل قۇستارىنىڭ اسەم قاناتىمەن كوكتەمدە جەتەتىن سۇلۋ سازدارى ءوز الدىنا ءبىر بولەك تارتۋلار ەدى. باشقۇرت كومپوزيتورى ز.يسماگيلوۆتىڭ «كوكتەم ءانى», م.گلينكانىڭ «جەڭىمپاز», بيكسيونىڭ «جانارىڭ نەگە جاسقاندى؟», ا.جۇبانوۆتىڭ «قارلىعاش», چيارانىڭ «بولەرو», گ.سۆيريدوۆتىڭ «ماريتانا», ءا.مولداعاينوۆتىڭ «اققۋىم, ۇمىتپا مەنى», ب.قوقامانوۆتىڭ «جۇرەگىم جۇرەگىڭدە», ا. بابادجانياننىڭ «نوكتيۋرن», ابايدىڭ «ايتتىم سالەم, قالامقاس» اندەرىنە قوسا ونىڭ ورىنداۋىنداعى ورىستىڭ ەجەلگى رومانستارىنىڭ ءوزى باسقا بىردە-ءبىر داۋىستى قايتالاماي, وزىنە عانا ءتان ءۇن بوياۋىمەن شىرقالدى. اناعا, ارۋعا ارنالعان اندەر جۇرەكتەن تالماي قانات قاقتى. اسەمدىكتى, ادەمىلىكتى ءسۇيۋدىڭ نەبىر كەرەمەت ۇلگىلەرىنە كاۋسار جىردىڭ الابى تۇنىپ تۇر ەكەن-اۋ...
قاراشاش امزەقىزى.
سۋرەتتە: ك.مىرجىقبايدىڭ ءان كەشى.
سۋرەتتى تۇسىرگەن
ەرلان وماروۆ.
