شتاب جەتەكشىسىمەن جۇزدەستى

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ق.ت.تۇرعانقۇلوۆتىڭ تمد-دان بايقاۋشىلار ميسسياسى شتابىنىڭ جەتەكشىسى ە.ا. سلوبودامەن كەز­دەسۋى بولدى. كەزدەسۋگە, سونداي-اق, ورت­سايلاۋكوم مۇشەلەرى ت.ۆ. وحلوپكوۆا مەن م.ا.سارسەمباەۆ قاتىستى, دەپ حابارلادى ورتالىق سايلاۋ كو­ميسسياسىنىڭ ءباسپاسوز قىزمەتى. ق. تۇرعانقۇلوۆ سلوبودا مىرزانى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ جانە وتكىزۋ جونىندەگى جۇمىسپەن تانىستىردى. تالقىلاۋ بارىسىندا كەزدەسۋگە قاتىسۋشىلار سايلاۋ ناۋقانىنىڭ كەيبىر ەرەكشەلىكتەرىنە, ونىڭ كەزەڭدەرىنە, پرەزيدەنتتىككە كانديداتتاردىڭ سايلاۋ الدىنداعى ۇگىتتى جۇرگىزۋ شارتتارى مەن تارتىبىنە, داۋىس بەرۋدى ۇيىمداستىرۋ جانە وتكىزۋ, سونداي-اق, سايلاۋدىڭ قورى­تىندىلارىن انىقتاۋ راسىمدەرىنە كوڭىل ءبولدى. تمد بايقاۋشىلار ميسسياسى شتابىنىڭ جەتەكشىسى, ءوز كەزەگىندە, سايلاۋدى بايقاۋعا قاتىسۋعا شاقىرۋ ءۇشىن ريزاشىلىعىن ءبىلدىرىپ, تمد كەڭىستىگى مەن ودان تىسقارى سايلاۋدى بايقاۋدا قوماقتى تاجىريبەسى بار ميسسيا بايقاۋشىلارىنىڭ كوپشىلىگى ادىلدىك جانە الالاماۋشىلىق قاعيداتتارىن بۇرىن دا باسشىلىققا العانىن, قازىر دە باسشىلىققا الاتىنىن اتاپ ءوتتى. «تمد ميسسيا شتابى جۇمىسقا كىرىستى. ءبىز ءوزىمىزدىڭ وكىلدەرىمىزدى رەسپۋبليكانىڭ بارلىق وڭىرلەرىنە جىبەرۋگە نيەتتىمىز. ءبىزدىڭ جوسپارىمىزدا سايلاۋعا قاتىسۋشى كانديداتتاردىڭ وكىلدەرىمەن كەزدەسۋلەر وتكىزۋ بار. ءبىزدىڭ بارلىق ءىس-شارالارىمىز ءباسپاسوز-رەليزدەرىندە كورسەتىلەتىن بولادى. ميسسيانىڭ نەگىزگى مىندەتى – دەموكراتيالىق سايلاۋدى وتكىزۋگە جاردەمدەسۋ جانە ءبىز حالىقارالىق بايقاۋدىڭ جالپىعا تانىمال نورمالارىنىڭ شەڭبەرىندە جۇمىس جاساۋعا نيەتتىمىز», دەپ اتاپ كورسەتتى سلوبودا مىرزا. سونداي-اق, ول الداعى سايلاۋدى تابىس­تى وتكىزۋگە تىلەك ءبىلدىرىپ, قازاقستاندىق تاراپتىڭ بايقاۋدى ۇيىمداستىرۋعا جانە وتكىزۋگە بارلىق قاجەتتى جاعدايلار جاساعانىن اتاپ ءوتتى. ورتسايلاۋكوم باسشىسى تمد باي­­قاۋ­شىلار ميسسياسى شتابىنىڭ جەتەك­شىسىنە ونىڭ 2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ سايلاۋىن حالىقارالىق بايقاۋشى رەتىندە اككرەديتتەلگەنى تۋرالى كۋالىك تاپسىردى.