بايقاۋشىلار اككرەديتتەلدى

وتكەن سەنبىدە ورتالىق سايلاۋ كوميسسياسىنىڭ وتىرىسىندا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ تۋرالى قاۋلى قابىلداندى. حالىقارالىق ۇيىمدار مەن شەتەلدىك بايقاۋشىلاردى اككرەديتتەۋ جونىندەگى قاۋلىنى داۋىسقا سالعان وتىرىستا سىرتقى ىستەر مينيسترلىگىنىڭ ۇسىنۋى بويىنشا 9 شەت مەملەكەت پەن 1 حالىقارالىق ۇيىمنان 48 بايقاۋشى وسك تاراپىنان تىركەلدى. ولاردىڭ تورتەۋى – نورۆەگيا كورولدىگىنەن, ۇشەۋى – اۆستريا رەسپۋبليكاسى مەن سەربيا رەسپۋبليكاسىنان, بولگاريادان جانە ليتۆا رەسپۋبليكاسىنان ەكى-ەكىدەن, ال ۇلىبريتانيا مەن سولتۇستىك يرلانديا بىرىككەن كورولدىگىنەن, ۆەنگريا, لاتۆيا, سلوۆاكيادان ءبىر-بىردەن, سونىمەن قاتار, 18 مەملەكەتتەن ەقىۇ/دياقب ميسسياسىنىڭ 30 بايقاۋشىسى اككرەديتتەلدى. وتىرىستان كەيىن بولعان بري­فينگتە وسك مۇشەسى مارات سارسەم­باەۆ جۋرناليستەرگە وسى جولعى پرە­زي­دەنتتىك سايلاۋعا مىڭعا جۋىق شەتەل­دىك بايقاۋشى قاتىساتىنىن ايتتى. «ەقىۇ/دياقب بايقاۋشىلارى ميسسياسىنىڭ باسشىسى كورنەليا يونكەر كەمىندە 400 بايقاۋشى جىبەرەتىندىگىن ايتىپ وتىر. تمد ميسسسياسى دا ءوز بايقاۋشىلارىنىڭ 400-گە جۋىقتايتىندىعىن ءمالىم­دەدى», – دەگەن مارات سارسەمباەۆ شەتەلدىك بايقاۋشىلار تاراپىنان قۇجاتتار كەلىپ جاتقانىن جەتكىزدى. ال 2015 جىلعى 30 ناۋ­رىزداعى جاعداي بويىنشا ورت­ساي­لاۋكوم حالىقارالىق ۇيىمداردىڭ ءۇش ميسسياسى (ەقىۇ/دياقب, تمد جانە شىۇ) مەن 19 شەت مەملەكەتتەن 236 بايقاۋشىنى اككرەديتتەدى. سونىمەن قاتار, قازاقستان رەس­پۋبليكاسىنىڭ سىرتقى ىستەر مينيس­تر­لىگى 19 مەملەكەتتەن بۇقارالىق اق­پارات قۇرالدارىنىڭ 98 وكىلىن اككرەديتتەدى. شەت مەملەكەتتەر مەن حالىق­ارالىق ۇيىم­داردىڭ بايقاۋشىلارىن اككرەديتتەۋدى ورتساي­لاۋ­كوم 2015 جىلعى 20 ساۋىرگە دەيىن جۇرگىزەدى. انار تولەۋحانقىزى,  «ەگەمەن قازاقستان».