پاۆلودار. 30 ماۋسىم. ەندى وبلىس ورتالىعىنداعى №3 جىلۋ ەلەكتر ورتالىعىنىڭ قۋاتتىلىعى ارتادى. بۇل تۋرالى egemen.kz ءتىلشىسى حابارلادى.
جاڭا تۋربينا قازىرگى بار ەلەكتر قۋاتىن 45 مۆت-عا ارتتىرۋعا مۇمكىندىك بەرەدى. بۇل 2011 جىلدان بەرى ستانسادا اۋىستىرىلعان ءۇشىنشى جاڭا تۋربينا. ول جىلۋ ەلەكتر ورتالىعىندا 1972 جىلدان بەرى جۇمىس ىستەپ, ابدەن توزعان.
«جاڭا تۋربينا بۇزىلعان جابدىقتىڭ ورنىنا ورناتىلدى. سويتىپ, جاڭالانعان ەنەرگەتيكالىق جابدىقتىڭ جيىنتىق قۋاتى 525 مۆت-تان 255 مۆت-تى قۇرايدى. بۇل ءوڭىر ەكونوميكاسىنىڭ دامۋىنا, جاڭا بيزنەس – جوبالاردىڭ تابىستى دامۋىنا, سونداي-اق ءوڭىر تۇرعىندارىن ەنەرگيامەن جابدىقتاۋدى جاقسارتۋعا ىقپال ەتەتىن بولادى», دەپ اتاپ ءوتتى ەنەرگو ورتالىقتىڭ باس ديرەكتورى ولەگ پەرفيلوۆ.
الداعى ۋاقىتتا ەنەرگەتيكتەر تاعى تۋربينانى ىسكە قوسۋدى جوسپارلاپ وتىرعان كورىنەدى. بۋ بۋربينالارى مەن قازاندىق اگرەگاتتارىن قايتا جاڭارتۋدىڭ بارلىق جوبالارى تەحنولوگيالىق ۇدەرىستى زاماناۋي اۆتوماتتاندىرىلعان باسقارۋ جۇيەلەرى تالاپتارىنا ساي. بۇل ەنەرگەتيكالىق جابدىقتىڭ پايدالى اسەر كوەففيتسيەنتىن ارتتىرۋعا, كومىر مەن مازۋتتىڭ شىعىنىن بارىنشا ازايتۋعا, جانە سايكەسىنشە, ەكولوگيالىق كورسەتكىشتەردى جاقسارتۋعا مۇمكىندىك بەرەدى.
2011-2017 جىلدار ارالىعىندا 5 تۋربواگرەگات جانە 2 قازاندىق اگرەگاتىن اۋىستىرىپ, قايتا جاڭارتۋ جۇمىستارى جۇرگىزىلىپ كەلەدى. شەكتى تاريفتەردىڭ مەملەكەتتىك باعدارلاماسىنىڭ قورىتىندىسى بويىنشا جاڭا اكتيۆتەر قۇرۋعا, سونداي-اق ولاردى كەڭەيتۋگە, جاڭالاۋعا, قولداۋعا, قايتا جاڭارتۋعا جانە تەحنيكالىق قايتا جاراقتاندىرۋعا ارنالعان ينۆەستيتسيالاردىڭ كولەمى شامامەن 47,3 ملرد تەڭگەنى قۇرايدى.
فاريدا بىقاي.
دەرەك, سۋرەت: egemen.kz
