قاريالار قادىرى قاشاندا جوعارى

ەلىمىز ەجەلدەن ەل اعالارىنا, ارداقتى ابىزدارىنا, قاعيداسى قازىنالى قاريالارىنا قاراپ, ويىن دا, بويىن­ دا تۇزەگەن. تالانتتى تۇلعالارىنا ءتاۋ ەتىپ, تۇتقالى تاجىريبەلەرىنەن ۇلگى العان, ەڭسەلەرىن تىكتەپ, ەڭبەككە دە, ەرلىككە دە اقىلمانداردىڭ اق باتاسى ارقىلى بەل بايلاعان. بۇگىنگى ەگەمەن ەلىمىزدىڭ مامىراجاي جاعدايىندا اعا ۇرپاقتىڭ قادىرى ارتا تۇسپەسە كەمىگەن جوق. جاستاردىڭ ءاربىر يگىلىكتى ءىس, تولاعاي تىرلىگى ەل اعالارىنىڭ, اق نيەتتى اقساقالدارىنىڭ قولداپ-قۋاتتاۋىمەن, اق جول تىلەپ القالاۋىمەن جۇزەگە اسىپ جاتادى. وسى ورايدا, ۇلى جەڭىستىڭ 70 جىلدىعىن اتاپ وتۋگە ەرەكشە كوڭىل ءبولىنىپ وتىر. جەڭىس وڭاي كەلگەن جوق. جەڭىس – اعا ۇرپاقتىڭ ەرجۇرەك باتىرلىعىمەن, ەرلىك جىگەرىمەن كەلدى. جەڭىس تىلدا ەڭبەك ەتكەن ءاربىر ازاماتتىڭ ماڭداي تەرىمەن كەلدى. جامبىل وبلىسىندا 248 ۇلى وتان سوعىسىنىڭ ارداگەرى جانە مۇگەدەگى, 500 ۇلى وتان سوعىسىنا قاتىسۋشىلارعا تەڭەستىرىلگەندەر, سوعىسقا قاتى­سۋشىلارعا تەڭەستiرiلگەن ادامداردىڭ باسقا ساناتتارىمەن بىرگە, سوعىس جىلدارى 6 ايدان استام تىلدا ەڭبەك ەتكەن 8503 تىل ەڭبەككەرلەرى بار. «ءبىر ايتا كەتەتىن جاعداي, دەن­ساۋ­لىق ساقتاۋ جانە الەۋ­مەت­تىك دامۋ مينيس­ترلىگىنىڭ حاتىنا جانە پارلا­مەنت ءماجىلىسى دەپۋتاتتارىنىڭ سۇرا­نىسىن باسشىلىققا الا وتىرىپ, وبلىس كولەمىندە جەرگىلىكتى بيۋدجەت ەسەبىنەن مەرەكەلى جانە اتاۋلى كۇندەرگە بەرىلەتىن الەۋمەتتىك كومەكتەردى ءبىر دەڭگەيدە تولەم جاساۋ تۋرالى شەشىم قابىلداندى. ۇلى وتان سوعىسىنىڭ قاتىسۋشىلارى مەن مۇگەدەكتەرiنە جانە سولارعا تەڭەستiرiلگەن ادامدارعا جەرگىلىكتى بيۋدجەتتەن بەرىلەتىن بىرجولعى تولەمنىڭ مولشەرىن 150,0 مىڭ تەڭگە, جەڭiلدiكتەر مەن كەپiلدiكتەر جاعىنان ۇلى وتان سوعىسىنا قاتىسۋشىلارعا تەڭەستiرiلگەن ادامدارعا – 30,0 مىڭ تەڭگە, جەڭiلدiكتەر مەن كەپiلدiكتەر جونiنەن سوعىسقا قاتىسۋشىلارعا تەڭەستiرiلگەن ادامداردىڭ باسقا ساناتتارىمەن بىرگە سوعىس جىلدارى 6 ايدان استام تىلدا ەڭبەك ەتكەن ازاماتتاردى دا كومەكپەن قامتۋدى 15,0 مىڭ تەڭگەگە كوتەرۋ ۇسىنىلدى. وسى جاعدايعا بايلانىستى اۋداندار جانە قالا بيۋدجەتتەرىندە قاجەتتى قوسىمشا قاراجاتتىڭ كولەمى انىقتالىپ, 122,9 ملن. تەڭگەگە سۇرانىس جاسالدى», دەيدى بۇل جونىندە جامبىل وبلىستىق ەڭبەك جانە حالىقتى الەۋمەتتىك قورعاۋ باسقارماسى باسشىسىنىڭ ورىنباسارى ساكەن ارۋباەۆ. جاقىندا عانا تاراز قالاسى مەن اۋدانداردا تۇراتىن ۇلى وتان سوعىسىنىڭ ارداگەرلەرى مەن مۇگەدەكتەرىنە ارناپ «جەڭىس­كە تاعزىم» ايلىق اياسىندا «قامقورلىق جانە دەنساۋلىق» اۆتو­كەرۋەنى, «جەڭىس پويىزى» جىبەرىلدى. ولار وبلىسىمىزدىڭ شالعاي اۋداندارىندا تۇراتىن ۇلى وتان سوعىسىنىڭ ارداگەرلەرى مەن مۇگەدەكتەرىنە مەدي­تسينالىق, الەۋمەتتىك-تۇرمىستىق كومەكتەر كورسەتتى. «جاس كەزىمدە بەينەت بەر, قارتايعاندا زەينەت بەر» دەگەن جاسقا جەتكەن ارداگەرلەرىمىز مەملەكەت تاراپىنان وزىنە بەرىلەتىن كومەكتەر مەن جەڭىلدەكتەردى تولىق تۇردە پايدالانىپ وتىر. بۇعان دەيىن ەل اراسىندا ارداگەرلەر باس قوسىپ, كەڭەسىپ, سىرلاساتىن جانە دەمالاتىن ورىن جوق دەگەن اڭگىمە ارا-تۇرا ايتىلىپ قالاتىن. ارينە, ەلىمىز, ونىڭ ىشىندە وبلىسىمىزدىڭ ءوسىپ-وركەندەۋى جولىندا ايانباي تەر توگىپ, ءوز ۇلەستەرىن قوسقان اعا ۇرپاق وكىلدەرى قانداي قۇرمەتكە بولسا دا لايىق. مىنە, سول ولقىلىقتىڭ ورنىن تولتىرىپ, جاقىندا عانا وبلىس ورتالىعىنان جاپ-جاڭا ارداگەرلەر ءۇيى ەسىگىن ايقارا اشتى. ساياباقتىڭ ورتاسىنان ورىن تەپكەن بۇل ءۇش قاباتتى عيماراتتا ارداگەرلەرگە ارنالعان ادىستەمەلىك, مادەني ءىس-شارالار وتكىزەتىن جانە دەمالاتىن بولمەلەر, سونداي-اق مەديتسينالىق كابينەت, اسحانا, بيليارد زالدارى بار. قاي زاماندا دا تۋىستىقتى, بىرلىكتى, ەلدىكتى ساقتاۋدى ۋاعىز­دايتىن اقساقالدار ايتقان اتالى ءسوز اياققا باسىلماعان. بۇگىن­گى اعا بۋىن وكىلدەرىنىڭ باستى مىندەتى – ومىردەن العان تاجىريبەلەرىن, ەرىنۋدى بىلمەيتىن, بەينەتكەش قالىپتارىن, وتانشىل, ەلجاندى, مەملەكەتشىل, ۇلتجاندى پاتريوتتىق قاسيەتتەرىن ءوز ۇرپا­عىنىڭ بويىنا جاستاي ەگۋ بولسا كەرەك. ورالحان ءداۋىت, «ەگەمەن قازاقستان». جامبىل وبلىسى.