پاۆلودار. 30 ماۋسىم. باياناۋىلدىڭ جاڭاجول اۋىلىنداعى ءماشھۇر ءجۇسىپ اتىنداعى مەكتەپتىڭ 6 سىنىپ وقۋشىسى جاڭبىرباي ءادىلحان العاش رەت «باقىتتى بالالىق شاق» اتتى اۋداندىق ءان بايقاۋىندا باس جۇلدەنى جەڭىپ الدى. بۇل تۋرالى egemen.kz ءتىلشىسى حابارلادى.
ودان كەيىن وبلىسىق «جاڭا جۇلدىز-2014», «ەرتىس-بايان جۇلدىزدارى» بايقاۋلارىندا ءانشى بالا اتانىپ, كوزگە تۇسەدى. جۋىردا استانانىڭ تۋعان كۇنىنە ارنالعان «ءانىم سەنسىڭ – استانا» اتتى استاناعا ارنالعان اندەر بايقاۋىندا «ەڭ جاس ءانشى» نوميناتسياسىنا يە بولدى. اۋىل ۇستازدارىنىڭ ايتۋىنشا, جاڭبىرباي مەكتەپتە, اۋىلدا وتەتىن مەرەكەلىك شارالاردىڭ ءسانى مەن ءمانى كورىنەدى.
بيىل ءادىلحاننىڭ تاڭداۋدان ءوتىپ جولى بولىپتى. الماتىدا ءوتىپ جاتقان يۋنەسكو كولەمىندەگى «دەتي ۆ ريتمە ميرا» فەستيۆالىندە روزا رىمباەۆامەن بىرگە «ەرتەڭگە سەنەمىن» اتتى ءانىن ورىنداپ شىقتى. ءوزى جەكە «سالەم ساعان تۋعان ەل», «اسىل جانىم-اي» اندەرىن ايتىپ بەردى. روزا اپاسى وعان سەن ءادىلحان, بولاشاق ساحنا جۇلدىزىسىڭ دەپ باتاسىن بەرەدى.
فاريدا بىقاي.
دەرەك, سۋرەت: egemen.kz
