الماتى. 30 ماۋسىم. يندونەزيانىڭ «گەركۋلەس» اسكەري-تاسىمال ۇشاعى مەدان قالاسىنداعى كوناق ءۇيدىڭ ۇستىنە قۇلادى. مەيمانحانا جانىنداعى تۇرعىن ۇيلەر دە زارداپ شەكتى. بۇل تۋرالى reuters حابارلادى.
اپاتتىڭ سالدارىنان العاشقى ەسەپ بويىنشا 30 ادام كوز جۇمدى. الايدا, قايتىس بولعاندار مەن زارداپ شەگۋشىلەردىڭ سانى ارتۋى مۇمكىن. سەبەبى, ۇشاقتاعى ەكيپاج مۇشەلەرىنىڭ سانى 12 ادام, قوناق ءۇي مەن سىرتتا جۇرگەن زارداپ شەگۋشىلەردىڭ بارلىق سانى ءالى تولىقتاي بەلگىلى بولعان جوق.
مەدان قالاسىنان بۋنگۋران ارالىنا ۇشىپ شىققان اسكەري ۇشاق, كوككە كوتەرىلىپ ۇلگەرمەي قۇلاعان.
ءدال وسى مەدان قالاسىندا 2005 جىلدىڭ قىركۇيەگىندە «بوينگ-737» جولاۋشىلار تاسىمالدايتىن اۆيالاينەر اپاتقا ۇشىراپ, بورتتاعى 102 ادام مەن جەردەگى 47 تۇرعىن قازا تاپقان بولاتىن.
تالعات ءسۇيىنباي.
دەرەك, سۋرەت: Reuters.
