قىزىلوردا وبلىسىندا باسقارما باسشىسى تاعايىندالدى

ولول استانا. 4 اقپان. قىزىلوردا وبلىسىنىڭ اكىمى قىرىمبەك كوشەرباەۆتىڭ وكىمىمەن عاينۋللا زەينۋللا ۇلى جارقىنباەۆ وبلىستىق ىشكى ساياسات باسقارماسىنىڭ باسشىسى بولىپ تاعايىندالدى. بۇل تۋرالى «قازاقپارات» حابارلادى. عاينۋللا زەينۋللا ۇلى جارقىنباەۆ 1954 جىلى شىمكەنت قالاسىندا تۋعان. الماتى ەنەرگەتيكالىق ينستيتۋتىن ينجەنەر-ەلەكتريك جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىن  ەكونوميست ماماندىعى بويىنشا بىتىرگەن. ع.جارقىنباەۆ ەڭبەك جولىن 1978 جىلى قىزىلوردا ەلەكتر جۇيەلەرى مەكەمەسىنىڭ ينجەنەرى بولىپ باستاعان. ول 1989-1993 جىلدارى قىزىلوردا قالالىق پارتيا كوميتەتىنىڭ نۇسقاۋشىسى, ۇيىمداستىرۋ جۇمىستارى سەكتورىنىڭ مەڭگەرۋشىسى بولدى, 1993-1995 جىلدارى «كوردا» «قازاقستان-تۇركيا» بىرىككەن مەكەمەسى باس ديرەكتورىنىڭ ورىنباسارى, 1995-1999 جىلدارى وبلىس اكىمىنىڭ كومەكشىسى, وبلىستىق پوشتا بايلانىسى مەكەمەسىنىڭ باستىعى, 1999-2009 جىلدارى وبلىس اكىمى اپپاراتىنىڭ باسشىسى, وبلىستىق ىشكى ساياسات دەپارتامەنتىنىڭ ديرەكتورى, قىزىلوردا قالاسى اكىمى اپپاراتىنىڭ جەتەكشىسى قىزمەتتەرىن اتقاردى. ال 2009 جىلدان باستاپ وسى كەزگە دەيىن وبلىستىق مۇراعاتتار جانە قۇجاتتاما باسقارماسىنا باسشىلىق جاساپ كەلدى. جولدىباي بازار. دەرەك, سۋرەت: قىزىلوردا وبلىسى اكىمدىگىنىڭ سايتى.