اقتوبەدە ۇزدىك قىزمەتكەرلەرگە پاتەر بەرىلدى

اقتوبە. 30 ماۋسىم. اقتوبەدەگى تاحاۋي احتانوۆ اتىنداعى وبلىستىق دراما تەاترىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى ۇجىمىنىڭ ۇيىمداستىرۋىمەن مەملەكەتتىك قىزمەتكەرلەر كۇنى اتاپ ءوتىلدى. وعان وبلىس اكىمدىگى اپپاراتىنىڭ وكىلدەرى, جەرگىلىكتى جانە ايماقتىق اتقارۋشى ورگانداردىڭ باسشىلارى, سونداي-اق, مەملەكەتتىك قىزمەت سالاسىنىڭ ارداگەرلەرى قاتىستى. بۇل تۋرالى egemen.kz ءتىلشىسى حابارلادى. سالتاناتتى شارادا اتالعان دەپارتامەنت باسشىسى قايرات سونتاەۆ مەملەكەتتىك قىزمەت سالاسىنداعىلاردى كاسىبي مەرەكەمەن قۇتتىقتادى. شارا بارىسىندا مەملەكەتتىك قىزمەت سالاسىنداعى ۇلگىلى ەڭبەگى ءۇشىن 5 مەملەكەتتىك قىزمەتكەر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «ۇزدىك مەملەكەتتىك قىزمەتكەر» ارنايى توسبەلگىسىمەن ماراپاتتالدى, 2 قىزمەتكەرگە قىزمەتتىك پاتەرلەردىڭ كىلتى تابىس ەتىلدى. سونداي-اق, تاعى 2 مەملەكەتتىك قىزمەتكەردىڭ ومىراۋىنا پرەزيدەنت نۇرسۇلتان نازارباەۆتىڭ جارلىعىنا سايكەس «قازاقستان حالقى اسسامبلەياسىنا 20 جىل» مەرەكەلىك مەدالى تاعىلدى. سونىمەن قاتار, ساحنا تورىنە ورناتىلعان لەد-ەكراننان جينالعاندار دەپارتامەنتتىڭ يميدجدىك ءفيلمى مەن «ءبىز جەمقورلىققا قارسىمىز!» اتتى الەۋمەتتىك بەينەسيۋجەتتى تاماشالادى. شارا سوڭىندا جاس مەملەكەتتىك قىزمەتكەرلەر «مەملەكەتتىك قىزمەت تۋرالى» زاڭىنا سايكەس انت قابىلدادى. مەرەكە سوڭى كونتسەرتتىك باعدارلاماعا ۇلاستى. ساتىبالدى ءساۋىرباي. دەرەك, سۋرەت: egemen.kz.