پەتروپاۆل. 30 ماۋسىم. م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە «قازاقستان حالقى اسسامبلەياسى–ەتنوكونفەسسيونالدىق كەلىسىمدى دامىتۋ مەن نىعايتۋدىڭ بىرەگەي ۇلگىسى» دەگەن تاقىرىپتا حالىقارالىق عىلىمي-تەوريالىق كونفەرەنتسيا ۇيىمداستىرىلىپ, وعان ەلىمىزبەن قاتار شەتەلدەردەن 70-كە جۋىق عالىمدار, تاريحشىلار, ساياساتتانۋشىلار قاتىستى. بۇل تۋرالى وبلىستىق «قوعامدىق كەلىسىم» مەملەكەتتىك مەكەمەسىنىڭ ماماندارى حابارلادى.
كۇن تارتىبىنە «ەلىمىزدە جانە الەمدە كونفەسسياارالىق ۇنقاتۋ مەن ەتنيكاارالىق قارىم-قاتىناس ۇيلەسىمدىلىگىن دامىتۋداعى قر پرەزيدەنتىنىڭ ءرولى», «قازاقستانداعى مەملەكەتتىك ەتنوساياسات جانە الەمدىك تاجىريبە», «قازاقستان حالقى اسسامبلەياسىنىڭ قۇرىلىمى: قىزمەتىنىڭ مازمۇنى مەن ءپىشىنى», «ماڭگىلىك ەل» يدەياسى: قازاقستان حالقى اسسمبلەياسىنىڭ قىزمەتى ارقىلى ۇيلەستىرۋ», «قازاقستان حالقى مادەنيەتىنىڭ ۇنقاتۋى: قاينارلار, داستۇرلەر, قازىرگى زامان» تاعى باسقا ماسەلەلەلەر ۇسىنىلىپ, تالقىلاۋعا عىلىمي-زەرتتەۋ ينستيتۋتتارىنىڭ, ۋنيۆەرسيتەتتەردىڭ, عىلىمي-ساراپتاما ۇيىمدارىنىڭ بەلدى وكىلدەرى قاتىستى.
جينالعانداردىڭ نازارى ەكسترەميزم مەن تەرروريزمنىڭ الدىن الۋ, توسقاۋىل قويۋ سەكىلدى وتكىر جايتتارعا دا اۋدارىلىپ, ناقتى وي-پىكىرلەر ورتاعا سالىندى. وزەكتى ماسەلەلەر بويىنشا قورعان ۇكىمەتىنىڭ ۇلت جانە ءدىن ماسەلەلەرى جونىندەگى كەڭەسشىسى ەۆگەني چەرداكوۆتىڭ ءۇنى شيراق شىقتى. ول پرەزيدەنت نۇرسۇلتان نازارباەۆتىڭ سالماقتى ساياساتىن تولىق قولداي كەلىپ, ادامداردى ىنتىماققا, اۋىزبىرلىككە توپتاستىرۋداعى مۇنداي القالى باسقوسۋلاردىڭ ماڭىزدىلىعىن اتاپ وتسە, قاراعاندىلىق پروفەسسور ياكوۆ تروفيموۆ ورتاق مامىلەگە كەلۋدىڭ ءتيىمدى جولدارىن ۇسىندى.
وبلىستىق اسسامبلەيانىڭ حاتشىلىق مەڭگەرۋشىسى نايل ساليموۆ كونفەرەتسيا قارساڭىندا ماقالالار جيناعى شىعارىلعانىن, وعان 200-گە جۋىق تۋىندىلار ەنگەنىن جەتكىزدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق «قوعامدىق كەلىسىم» مەملەكەتتىك مەكەمەسى.
