ەلباسى ەركىن ەكونوميكالىق قوعامداستىقتىڭ مەدالىمەن ماراپاتتالدى

استانا. 30 ماۋسىم. مەملەكەت باسشىسى ەركىن ەكونوميكالىق قوعامداستىقتىڭ ۇلكەن التىن مەدالىمەن ماراپاتتالدى. بۇل تۋرالى «قازاقپارات» حابارلادى. ماسكەۋدە رەسەيدەگى قازاقستان ەلشىلىگىندە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتى «الەمدىك ەكونوميكانىڭ دامۋىنا, تاريحي ماڭىزدى باستامالارى مەن ينتەگراتسيالىق ۇردىستەردىڭ قۇرىلۋى جانە ونى جەتىلدىرۋ سالالارىنداعى جوعارى جەتىستىكتەرى, ەۋرازيالىق ەكونوميكالىق وداقتىڭ دامۋى, رەسەي فەدەراتسياسى مەن قازاقستان رەسپۋبليكاسى اراسىنداعى ەكونوميكالىق, عىلىمي, مادەني بايلانىستى نىعايتۋعا قوسقان ۇلەسى جانە بەلسەندى قوعامدىق قىزمەتى ءۇشىن» ەركىن ەكونوميكالىق قوعامداستىقتىڭ (ەەق) ۇلكەن التىن مەدالىمەن ماراپاتتاۋ ءراسىمى ءوتتى. شاراعا ەلشىلىكتىڭ قىزمەتكەرلەرى مەن باق وكىلدەرى قاتىستى. ماراپاتتى ۇسىنعان ەركىن ەكونوميكالىق قوعامداستىقتىڭ باسشىسى, رەسەيدىڭ بەلگىلى ەكونوميسى, ماسكەۋدىڭ ءبىرىنشى مەرى (1991-1992) گاۆريل پوپوۆ نۇرسۇلتان نازارباەۆتىڭ رەسەي ەەق ۇلكەن التىن مەدالىنە يە بولعان العاشقى شەتەلدىك ازامات ەكەنىن اتاپ ءوتتى. ءوز كەزەگىندە مەدالدى قابىلداعان رەسەيدەگى قازاقستاننىڭ توتەنشە جانە وكىلەتتى ەلشىسى مارات ءتاجين گ.پوپوۆقا ەلباسىنىڭ ەكونوميكا عىلىمىنداعى قىزمەتىنە جوعارى باعا بەرگەنى ءۇشىن العىس ايتتى. م.ءتاجين اتاپ وتكەندەي, بۇل ماراپات جاي قۇرمەت كورسەتۋ عانا ەمەس, نۇرسۇلتان نازارباەۆتىڭ ەۋرازيالىق ديالوگتىڭ نىعايۋىنا, رەسەيمەن تاتۋ كورشىلەس قاتىناستاردىڭ دامۋىنا قوسقان اسا زور عىلىمي جانە تاجىريبەلىك ۇلەسىن مويىنداۋ. ەلامان قوڭىر. دەرەك, سۋرەت: «قازاقپارات».