توڭازىتقىش ۇشقان كۇن

سارىكول اۋدانىنىڭ ورتالىعىنداعى ستاديوندا اۋداندىق سپارتاكيادا­ ءوتىپ جاتقان بولاتىن. نەگىزى بۇل سپورت باسەكەسى اۋداندار ءۇشىن جىل بويى كۇتەتىن جازدىڭ نەگىزگى مەرەكەسىنىڭ ءبىرى. سارىكولدىكتەر دە ءتۇس الەتىندە سپورتتىق جارىستاردى قىزدىرىپ, مەرەكە قىزىعىن الاڭسىز تاماشالاپ جاتقان. كۇن ىستىق, اسپان شايداي اشىق, تىنىق. ءبىر كەزدە الىس­تان شاڭ كورىنگەندەي بولدى, ونى ستاديوندا سپورتتىق جارىستار قىزىعىنا تۇسكەن جۇرت­تىڭ كوبى بايقاي دا قويعان جوق. الگى شاڭ ستاديونمەن قاتار ورنالاسقان ساياباقتىڭ قاسى­نا كەلگەندە ستاديونداعىلار شاڭنىڭ تىم اسپان­داپ, قويۋلانىپ كەتكەنىن بايقادى. بىراق نە بولعانىن وزدەرى دە تۇسىنە الماي قالدى. جۇرت تاڭىرقاپ قاراپ ۇلگەرمەي-اق, ستا­ديون­دا الامان-تاسىر باستالدى دا كەتتى. كيىز ءۇيدىڭ تۋىرلىعىن ج ۇلىپ تاس­تادى. سۋسىن, ءتۇرلى تاعام ساتىلاتىن ەكى ساۋدا شاتى­رى­­نىڭ پلاس­تيكتەن جاسالعان تەرەزە­, شاتىر­لارى قيراپ, سىنىقتارى اسپانعا ۇشتى. توڭا­زىت­قىش­تاردى اسپانعا كوتەرىپ, ءبىراز جەرگە اپارىپ تاستاعان. شاتىر ءىشىن­دەگى ساتىلاتىن تاعام­­داردىڭ ءتۇر-ءتۇرىن, ءتىپتى ءپىسىرىلىپ جاتقان كاۋاپ­­تاردى, ساتۋ­شىلار­دىڭ ساۋدادان تۇسكەن اقشا­­لارىن, باسقا زاتتاردىڭ بارلىعىن جۇرت اسپاننان كوردى. سارىكولدىك ارىپتەستەرىمىزدىڭ ايتۋىنشا, وسىنىڭ بارلىعى ساناۋلى مينۋتتاردا عانا بولىپ, قارا قۇيىن جىلانداي جالماپ جۇرە بەرگەن. تابيعاتتىڭ توسىن مىنەزىنەن زارداپ شەككەندەر دە از ەمەس. ەكى جاسار بالانى قۇيىن اناسىنىڭ قولىنان ج ۇلىپ الىپ, ۇشىرىپ اكەتكەن. تەز ارادا جەتكەن «جەدەل جاردەم» دارىگەرلەرى بالانى اۋرۋحاناعا اپارىپ, ءۇش كۇن ەمدەدى. اۋداندىق اۋرۋحانا دارىگەرلەرىنىڭ ايتۋىنشا, بالا ىشىنەن جا­راقات العان, بۇيرەگى اۋىرىپ قالعان. بىراق جاعدايى قالىپتى, ومىرىنە قاۋىپ جوق. سونى­مەن قاتار, اۋرۋحاناعا جامباس سۇيەگى جارا­قاتتانعان, ۇشقان زاتتار ءتيىپ, جاراقات العان, دەنەسىن جىرىپ كەتكەن كىسىلەر دە بول­دى. ءتۇرلى دەڭگەيدە زارداپ شەككەن 12 ادام اۋرۋ­حاناعا كورىنگەن. ءدارى­گەرلەر ستا­ديوندا ادامدارعا كومەك كورسەتكەن. سارىكول اۋدانى ورمان-توعايى مول ءوڭىر. تابيعاتتىڭ مۇنداي توسىن مىنەزىن بۇرىن كورمەگەن سارىكولدىكتەر ءۇشىن الاپات قۇيىن كورگەن تۇستەي بولدى. ءنازيرا جارىمبەتوۆا, «ەگەمەن قازاقستان». قوستاناي وبلىسى, سارىكول اۋدانى.