اتىراۋ. 2 ناۋرىز. اتىراۋدا قازاقستان حالقى اسسامبلەياسىنىڭ 20 جىلدىعىنا وراي 20 مىڭ ادام جاپپاي سپورتتىق جۇگىرىستەن وتكەن مارافونعا قاتىستى. بۇل تۋرالى egemen.kz ءتىلشىسى حابارلادى.
سپورتتىق جۇگىرىستىڭ اراقاشىقتىعى –2 شاقىرىم 950 مەتر. اتىراۋ قالاسىنداعى جاپپاي مارافونعا 6 000 مىڭعا جۋىق ادام قاتىسىپ, سالتانات سارايىنان يساتاي-ماحامبەت ەسكەرتكىشى الاڭىنا دەيىنگى ارالىقتى جۇگىرىپ ءوتتى. باتىرلار ەسكەركىشى الدىندا مارافونعا قاتىسۋشىلاردىڭ اراسىنان №15 ورتا مەكتەپتىڭ 3-سىنىپ وقۋشىسى التىنبەك انۋاربەك, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ 73 جاستاعى وقىتۋشىسى جاقسىلىق راشباەۆ, سونىمەن بىرگە, وبلىستىق توتەنشە جاعدايلار دەپارتامەنتى باسشىسىنىڭ ورىنباسارى سالىمعالي سالىقباەۆ ارنايى ديپلوممەن ماراپاتتالدى. ءدال وسى الاڭدا اتىراۋدا تۇراتىن ءار ەتنوس وكىلدەرى كونتسەرتتىك باعدارلاما ۇسىندى.
بۇل كۇنى جاپپاي سپورتتىق جۇگىرىس جەتى اۋدان ورتالىعىندا دا ءوتتى. وعان ءار اۋداننان 2 مىڭنان, بارلىعى 14 مىڭ تۇرعىن قاتىستى.
جولداسبەك شوپەعۇل.
دەرەك:egemen.kz.
سۋرەت: راحىم قويلىباەۆ.
