استانا. 30 ماۋسىم. قازان قالاسىنىڭ باسشىلىعى شاھارداعى ەسپەرانتو كوشەسىنىڭ اتىن «نۇرسۇلتان نازارباەۆ كوشەسى» قىلىپ اۋىستىردى. بۇل تۋرالى ProKazan.ru-عا سىلتەمە جاساعان «قازاقپارات» حابارلادى.
قازىر اتالعان كوشەدەگى مەكەن-جاي جازىلعان تاقتايشالار اۋىستىرىلىپ جاتىر.
«تاتارستان رەسپۋبليكاسىنىڭ قازاق ۇلتتىق-مادەني اۆتونومياسىنىڭ توراعاسى س. جاقسىباەۆتىڭ قالا كوشەلەرىنىڭ بىرىنە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ ەسىمىن بەرۋ تۋرالى ءوتىنىشى قاراستىرىلعان سوڭ قازان مۋنيتسيپالدىق توپونيميكا بويىنشا كوميسسياسىنىڭ ۇسىنىسىن ەسكەرىپ, ۆاحيتوۆ جانە پريۆولجسكي اۋداندارىنىڭ اۋماعىنداعى ەسپەرانتو كوشەسىنە نۇرسۇلتان نازارباەۆتىڭ ەسىمىن بەرۋ شەشىمى قابىلداندى», – دەپ حابارلادى پورتالعا قالانىڭ اتقارۋشى كوميتەتىنەن.
حابارلامادا قالا باسشىلىعى قازىرگى ۋاقىتتا دايىنداۋ جۇمىستارىن, سونىڭ ىشىندە مەكەن-جاي اتريبۋتيكالارىن وزگەرتۋ بويىنشا جۇمىستار جۇرگىزىپ جاتقانى ايتىلعان.
ايتا كەتەيىك, قازان قالاسىنىڭ كوشەلەرىنىڭ ءبىرىن نازارباەۆ ەسىمىن بەرۋ تۋرالى اڭگىمەلەر ءبىر اپتا بۇرىن ايتىلا باستاعان بولاتى.
تالعات رايىمبەك.
دەرەك, سۋرەت: «قازاقپارات».
