پاۆلوداردا «نۇر وتان» پارتياسى ازاماتتاردى قابىلدادى

پاۆلودار. 1 ناۋرىز. «نۇر وتان» حالىقتىق دەموكراتيالىق پارتياسىنىڭ پاۆلودار وبلىستىق فيليالىندا «ازاماتتاردى قابىلداۋ كۇنى» ءوتتى. بۇل تۋرالى egemen.kz ءتىلشىسى حابارلادى. شارا بارىسىندا وبلىستىق ءماسليحات دەپۋتاتتارى, وبلىستىق ءبىلىم بەرۋ, دەنساۋلىق ساقتاۋ, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار, مادەنيەت, جاستار ىستەرى بويىنشا باسقارمالاردىڭ, سونىمەن قاتار, ادىلەت دەپارتامەنتىنىڭ وكىلدەرى وبلىس تۇرعىندارىن ءوتىنىش, ارىز-شاعىمدارى بويىنشا قابىلدادى. كوپشىلىكتى مازالاعان سۇراقتاردىڭ ىشىندە سەمەي يادرولىق پوليگونىنىڭ زاردابى تۋرالى دا بار. نەگىزى پوليگون اۋماعىندا تۇرعان حالىق ءۇشىن جەڭىلدىكتەر بار ەكەنىن بەلگىلى. دەسە دە, كوپشىلىك زاڭناماداعى وزگەرىستەرگە بايلانىستى پوليگون زاردابىن تارتقان تۇرعىندار سوعىس ارداگەرلەرى ساناتىنا الىنا ما, زەينەتاقى مولشەرى قايتا قارالا ما, قانداي قۇجاتتار جيناۋ كەرەك دەگەن سياقتى سۇراقتارعا جاۋاپ العىسى كەلەدى. وسى ماسەلە جونىندە پوليگوننىڭ زاردابى كوپ تيگەن ەڭ قاۋىپتى ايماقتا تۇراتىن سايلاۋ ماقىشەۆ ەسىمدى ازامات قابىلداۋعا ارنايى كەلىپتى. قابىلداۋ بارىسىندا وعان جاقىندا ارنايى تۇردە جاۋاپ بەرىلەتىنى ايتىلدى. فاريدا بىقاي. دەرەك: egemen.kz. سۋرەت: pavlodarnews.kz.